Popular Bible Verses from Maleko 12

Share

Na tali mai ia Iehu, “Ko te fakatonuga e pito hili te tāua, ko tēnei: ‘Fakalogo mai, Ihalaelu! Ko te Aliki to tātou Atua ko ia oioti lava te Aliki. Alofa ki te Aliki tō Atua ma tō loto kātoa, ma tō agaga kātoa, ma tō māfaufau kātoa, ma tō mālohi kātoa.’ Ko tona lua o fakatonuga e pito hili te tāua, ko tēnei: ‘Alofa ki tō tuākoi e vē ona alofa koe kia te koe lava.’ E hēai hētahi fakatonuga e hili atu te tāua i lo nā fakatonuga iēnei e lua.”

Oi na fakamāopōpo mai e Iehu ona hoko, ma na vāgana atu ai ki ei vēnei, “E takutino atu e au kia te koutou, e hili atu te lahi o te fōaki a te fafine mativa tēnei kua oti tana tāne, i lo kilātou uma lele na fai a lātou tāulaga. Auā ko iētahi tino, ko a lātou tāulaga na fai i nā tupe totoe e lahi mai to lātou tamaokāiga; ka ko te fafine tēnei, e ui lava i tona mativa, kae na fōki uma lava nā tupe a ia nae ola ai.”

Kua nofo ia Iehu ki lalo e tafapili ki te puha tupe mo nā tāulaga mo te Mālumalu, kae kikila ki nā tino ma a lātou tupe nae tuku ki loto. E tokalahi nā tino maukoloa nae lalahi a lātou tupe nae tuku ki loto; oi na hau ai he fafine mativa kua oti tana tāne kua tuku ki loto ni tupe apamemea e lua, e tuha e maua ai he pene e fokotahi.

E tatau koe ke alofa ki te Atua ma tō loto kātoa, ma tō māfaufau kātoa, ma tō mālohi kātoa, ma alofa ki tō tuākoi e vē ona alofa koe kia te koe lava. E hili atu te tāua o te uhitaki ki nā fakatonuga iēnei e lua, i lo te fai o nā tāulaga mū i nā manu ma iētahi itūkāiga tāulaga ki te Atua.”

Oi na lea atu ai ia Iehu kia te kilātou, “Fakafoki lava la ia mea a Kaihala kia Kaihala, ma fakafoki ia mea a te Atua ki te Atua.” Na ofo lele kilātou ki nā kupu iēnei a Iehu.