Popular Bible Verses from Kalatia 6

Share

Ki tātou la nahe fakavāivai oi fai nā mea e lelei; auā kāfai kitātou e hē fakavāivai, e hau te taimi ka maua ai e kitātou te helehelega.

Ko te mea ia, i taimi uma e maua ai e kitātou he avanoa, e tatau ke fai e kitātou nā mea lelei ki ho he tino, kae maihe lava kilātou i loto o te tātou kāiga Kelihiano.

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Ia koutou i nā fakahehēa; e hēai he tino e ia fakavaleagia te Atua, ma e helehele lava e te tino te mea na ia totōa.

Kāfai e totō e koe i te kelekele o te nātula faka-te-tagata, mai i kinā, ka fakaputu mai e koe te helehelega, ko te oti; kāfai e totō e koe i te kelekele o te Agaga, mai te Agaga ka fakaputu mai e koe te helehelega, ko te ola e fakavavau.

Te kau uho, kāfai he tino e ia faia ho he itūkāiga āmio kino, e tatau koutou iēnā kua takitakia e te Agaga, ke fakatonu kia te ia i te agaga maualalo. Ma ko koutou foki ke mataala, nā meakē ka fakaohōhogia ai foki ma koutou.

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia. E tatau ke kikila totoka ifo lava te tino ki ana lava gāluega kua fai. Kāfai e lelei ana gāluega, oi e tatau ai lava la ke ia lagona te fāfia i tona loto. Kae nahe ia fakatuhatuhagia ki ni mea a hētahi tino kua fai. Auā ko kitātou, e amo lava te kavega a te tino.