Popular Bible Verses from Kalatia 5

Share

Kae ko te Agaga e fua mai ai te alofa, te fiafia, te fīlēmū, te onohai, te agalelei, nā uiga lelei, te fakamāoni, te loto maulalo, ma te loto pūlea. E hēai he tūlāfono e teteke ki nā mea iēnei.

Ko te mea e lea atu ai au ko tēnei: tuku ki te Agaga ke ia takitakia outou olaga, oi ka hē fakamaliea ai e koutou ia manakoga o te nātula faka-te-tagata.

Kāfai kua fōki mai e te Agaga te ola kia te kitātou; e tatau foki la ke takitaki kitātou e te Agaga.

Ma ko nā tino e ia Keliho Iehu, kua tāmate e kilātou o lātou nātula faka-te-tagata, fakatahi ai ma te nauloto ma nā tuinanauga ki te tino.

Ko te mea e fai e te nātula faka-te-tagata e manino lele. Ko te hahau ki te tino, ko te āmiokino, ma te fai āmio mātagā; ko te ifo ki tupua ma te fai mea fakataulāitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma te fakaitū kau; ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei, e vē foki lava ona lapataki atu au muamua: ko nā tino e fai e kilātou nā mea iēnei, ka hēai ho kilātou tofi i te Mālō o te Atua.

Kae e vē la kia te koutou, te kau uho, ko koutou na kalaga atu ki ei te Atua kae ke maua ai e koutou te haolotoga. Kae nahe kaveagia te haolotoga tēnei ma mea ka pūlea ai koutou e tuinanauga o te tino. Kae ke kavea te alofa ke mafai ai oi tautua tētahi ki tētahi.

Auā ko to tātou nātula faka-te-tagata e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou nātula faka-te-tagata. Ko nā mea iēnei e lua e fetekenaki lava tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe kia te koe lava.”

Kae nahe kitātou fia hihili, pe fakatīgā loto tētahi ki tētahi, pe mata pipiko tētahi ki tētahi.

Kua ia te kitātou te haolotoga—ko kitātou kua fakahaoloto e Keliho! Fakamākekeke la ma tūmau i te haolotoga, ma ke nahe toe kavea lele koutou ma pologa.