Popular Bible Verses from Ehoto 5

Share

Mulimuli ake, oi na olo ai ia Mohe ma Alona kia Falao te tupu o Aikupito ma lea vē atu ki ei, “Ko te ALIKI, te Atua o Ihalaelu, e leamai, ‘Tuku nā tino o oku ke olo, kae ke fai e kilātou i te toafa, he kaiga fakamanatu kia te au.’ ”

Talu lava toku fano kia Falao oi tautala ki ei i tō igoa, kua kino lele ana mea kua fai kia te kilātou. Ma e hēai lele he mea kua fai e koe ke fehoahoani ai kia te kilātou.”

Oi na toe liliu ai ia Mohe ki te ALIKI ma lea vē atu ki ei, “Te Aliki e, heā te faikino ai koe ki ō tagata? Heā te na uga mai ai au e koe ki kinei?

Na tali mai ia Falao, “Ko ai te ALIKI? Heā te fia fakalogo tauānoa ai au ki ei, ma tuku atu ia tagata Ihalaelu ke olo? E hē kō iloa te ALIKI, ma e hē kō tukua foki ia tagata Ihalaelu ke olo.”

Kae e tūmau lava te nūmela o nā piliki e fai e kilātou e vē lava ko te mea nae iei ai muamua, ma e hē fakaitītia lele te nūmela i he piliki e fokotahi. Ko te paiē o kilātou ko tēia e lea hō mai ai ke tuku ake kilātou ke olo oi fai tāulaga ki to lātou Atua! Fakamamafa lele ma ke lahi atu a lātou gāluega e fai i lo te mea nae iei ai muamua, kae ke hēai ho lātou taimi e fakalogo ai ki ni fakamatalaga pepelo.”