Popular Bible Verses from Efeho 2

Share

Ko kitātou na fai e te Atua ke vē lava ko te tūlaga kua iei kitātou, ma i te māfutaga ma Keliho Iehu na gaohia ai kitātou e te Atua mo he olaga o gāluega lelei, tēia kua uma te ia hāunia ke fai e kitātou.

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meālofa mai te Atua, kae ke nahe fāfia tauānoa ai he tino.

Kae ko te Atua e tumu i te alofa fakahao, ma ko te tūkehe o te lahi o tona alofa mo kitātou, na toe fakaola ai e ia kitātou fakatahi ma Keliho, e ui lava ko kitātou na feoti i te faka-te-agaga ona ko to tātou hē uhitaki. Ko te alofa tūnoa o te Atua te na fakaola ai koutou.

I te māfutaga a kitātou ma Keliho Iehu, na toe fakatutū ai kitātou e te Atua ki te ola fakatahi ma Keliho, ma ia fakanonofoa kitātou i tafa o Keliho, i nā nofoaga i te lagi.

Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua. Ko koutou foki, kua fau e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.