Ko au e talohaga atu ke tatala outou māfaufau ke kitea ai e koutou te mālama e hau mai ia te ia, kae ke iloa ai e koutou pe ko heā tonu te fakamoemoe kua kalaga mai ai ia kia te koutou, ma te lahi o nā fakamanuiaga gali kua folafola e ia ki ona tagata, ma te uiga kehe o te lahi o tona mana e galue i loto ia te kitātou kua talitonu. Ko te mana e galue i loto ia te kitātou, e tutuha lava ma te mālohi lahi na fakatū ai ia Keliho mai te oti, ma fakanofo ai i tona itū taumatau i te mālō o te lagi. Ko nā mālohiaga uma i te lagi, nā taupulega, mālō, tupu ma aliki, e i lalo o te pule a Keliho; ma e hili lele atu te maualuga ma te tāua o tona tūlaga, i lo nā tūlaga uma lele i te lalolagi nei, ma i te olaga i mua.