Popular Bible Verses from Kintaŋ 14

Share

Dzə̀ cáʼ ji lá á yòʼ tàv á kitú, e mèŋ NYùY TàR. Lá á yòʼ fàn a sa sí wìr vee fó. Áwune dzə̀ ji ncèm fo vèsən. Á tsə̀ʼ ne kikiŋ kév, a NYùY TàR kù dzə̀ kfə́ nshìy wòsən. Lá vèn yòʼ fàn áwune.»

à yòʼ yii táv shwiiy kilòŋ, à yii din koŋ yé ye wiyí e wír vée. À yii laysìn vinyo ve wíri buʼtì, kfə̀n laysìn shóʼór ye á shóʼor nsər sé. Yii bèy, a bó yòʼ dzə̀ à màʼtì á ŋgaà jay, é wù boy. À yii fó ŋgeʼlàʼ e wóné bìʼ jay atàr vév, kfə̀n fó e wón woné, à wón wón woné.

A NYùY TàR lòo dzə, e kòŋ vèsən, bo wù yíi tsəəné vèsən, e nəə́ sho e nsay fèn, e fo e vèsən. Dzə̀ nsay, a vín nàʼ wùn à vilu vi tsəətìn fo tsə́ətin.

Yii bèy, ké ŋgaà lìm wom woo Kalev mo wù kér shilív sə́ jeéy, ghán e mǒ mbòv shilív shimòʼón, m wíy lì wun, e dù, e nəə́ sho e nsay ye wù‑uù duùn, e yèn, é rám rəə́ yov fó.

Suúy aáwune jii, mo m dzəə̀n shó e tin, kinyo ke áwune yòŋèn, m yú ki dzə̀ kíwun ke m yíi yiì aáwune. Yoŋ a mo woo NYùY TàR.

NYùY TàR nèn yòŋ e Mooser jii, «Wír vìne wíy ŋway mo ben, e dù, e meé e le? Áwune wíy ten fó a way shilív e mǒ wùn, e dù, e meé e le? Aá tén bèy, a m yií ne viŋgaʼnìn ve vinyò aáwuné mvəm nyanyày.

Aá tóŋ bèy, báshi Mooser wùn Aaron, suuy jii, «Kí bòŋ ji bo vèr‑iì kpùkír é wòŋ Ejiv, kìn ji bo vèr kpùkír e woʼ fen.

Joshua woo wan Nun wùn Kalev woo wan Jefunne ló kév, a sàtì a dzə̀ ndzə̀y fó wùn. Vé‑eè dzə̀ é ŋgoo ye yì‑iì duùn, e shwèʼ woŋ. Áwune yòŋ e màŋgòŋ woó Isray jii, «Woŋ wo vèr‑iì tosin, e shwèʼé dzə̀ a wú bòŋ e ŋàŋén.

Yii bèy, e ké ru kí, mo m dzəə̀n e tin, à mo vikuʼùy vém ví wíy run kitú ke nsay, bó wìr fo wír vìne yòʼ wíy nəə́ e wòŋ wo á du sho. Vé‑eè lo yèn rán yém ye ghaʼáné, e kfə̀n a yen viŋgaʼnìn ve vinyò ve mò‑oò yii e Ejiv, kfə̀n yii e woʼ fen, e kù a ghiʼ mo ghíʼín kàŋ e ghvə̀m, e tèn fó yu jí yem. Áwune yòʼ wíy shov woŋ woo shooy e si. Woŋ wo mò‑oò kàʼàn atǎr ram yév shó, e lìʼ. Bó wìr wo wù ŋwáy mo yòʼ wíy yen fó.