Popular Bible Verses from Kintaŋ 13

Share

Kalev nèn lò kfə́, e sə̀r wíri mo vé‑eè baʼtin e Mooser si, e sùúy jii, «Vèsən kóʼ fó kàŋ mòʼón, e dù, e yòv fó. A dzə̀ vèsən tòn fó, e sə̀.»

Vèr kfən yèn wír veé Nefilim fo, vimà vé wìr ve dzəə̀n kfə́ə Anak. Vèr‑iì dzə̀ kér fó moo vintàn, a kù dzə̀ sá mo áwune‑eè yén ver bey.»

Yii bèy, wír ve wùn áwune‑eè duùné nèn nyàysì nyàysìn jii, «A dzə̀ la vèsən yòʼ yiì kifá aáwune. Á tàvkír, e shaà vèsən.»

Áwune nyàysì bèy, e nèn sàmèr sáʼka kisaŋ e wír veé Israyí mvəm kùm nsay ye vé‑eè duùn, e shwèʼ, e sùúy jii, «Nsay yee fó dzə̀, a yì senèr wíri sénerin. Kímóʼ kí ji vèr yèn wíri fó, a kù dzə̀ vigha ve wíri.

Vé‑eè naàrì e Mooser jii, «Vèr dù e wòŋ fo wò‑oò tumen ver rúrú, a dzə̀ woŋ wo vín nàʼ wùn à vilu vi tsəətìn fo tsə́ətin. Báŋ se vici see fó si síne.

Yii bèy, a wír ve á dzə́ e nsay foo fèyi dzə̀ antav, bo taaka rám Anak ye vèr yenen fó. Ŋkà sév sé laʼ si dzə̀ vikum, e kfə̀n a dzə sikuʼkìn.

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.