Popular Bible Verses from Apocalipsis 11

Share

Chi je̱'e̱ mu̶juxtujkpu̶ ángel tyrompeta yajxuuxy, y chi je̱'e̱ ayuuk jiiby tzajpjooty may yajmu̶dooy, mu̶dyiibu̶ mu̶naangu̶xpu̶ñ: “Je̱'e̱ ane̱'e̱mu̶ñ mu̶dyiibu̶ ya naaxwiiñ je̱' cham tu̶ kyu̶'u̶du̶gu̶u̶yu̶nu̶ je̱'e̱ nWindzú̶n Dios ajtu̶m ajku̶xy y je̱'e̱ Kyristo, y wiinu̶u̶xu̶u̶ je̱'e̱ y'ane̱'e̱mgu̶xu̶ch.”

Ku̶xyu̶ je̱'e̱ naax kajpt xymyu̶joot'ambu̶jkku̶xy, peru̶ tu̶ je̱'e̱ xu̶u̶ tiempo paady mu̶naa miich je̱'e̱ myajkumu̶dowaangu̶xyu̶ñ, mu̶naa miich je̱'e̱ o'ogyjya'ay mdu̶ydyuna'añu̶ñ. Y mmooygyu̶xu̶py miich oy'ajt je̱' je̱'e̱ mduumbu̶ ayuuknajtzkapxu̶u̶ybyu̶du̶jk ajku̶xy, je̱'e̱ mu̶dyiibu̶ yajpaatku̶xpu̶ñ ma je̱'e̱ mja'ayu̶ñ, y je̱'e̱ mu̶dyiibu̶ je̱'e̱ mxu̶u̶ xymyu̶jpu̶daaku̶yu̶byu̶ñ ajku̶xy, wan myu̶ju̶ch myútzku̶ch ajku̶xy. Y myajku'udu̶gooygyu̶xu̶py je̱' je̱'e̱ mu̶dyiibu̶ je̱'e̱ ja'ay ya naaxwiiñ yajtuundu̶gooygyu̶xpu̶ñ.”

Y u̶u̶ch je̱'e̱ nidu̶y'ajt'ajtpu̶ me̱tzk ngué̱xu̶py mu̶u̶d je̱'e̱ wyit tyukxy ni'ikuyjyaam u̶xkuyjyaam, je̱'e̱ mu̶dyiibu̶ u̶u̶ch je̱'e̱ n'ayuuk xykyapxwa'kxu̶byu̶ñ ajku̶xy tu'k mil ja'ame̱jtzmu̶go'px ja'atu̶gu̶'px xu̶u̶.”

Peru̶ kudu̶gu̶u̶g xu̶u̶ ja'akúpt, chi je̱'e̱ Dios yajjuugypyu̶jktu̶gajtzu̶gu̶xy y pyu̶du̶'kku̶xy ja'adu'ook, y ku̶xyu̶ pu̶n du'un ijxku̶x tú̶kxku̶xu̶ñ tzu̶gu̶u̶ygyu̶x je̱'e̱ mu̶k.

Adaa me̱tzkpu̶ nidu̶y'ajt'ajtpu̶ myu̶dajtku̶xypy mu̶k'ajt yu̶'u̶ neby je̱'e̱ tzajp yaj'adujkku̶xu̶chu̶ñ, ka'pu̶ tyu'uwu̶ch du'uñyu̶ naty je̱'e̱ Dios y'ayuuk tyu̶y'ajt kapxwa'kxku̶xyu̶ñ; y nan myu̶dajtku̶xypy je̱'e̱ mu̶k'ajt neby je̱'e̱ nu̶u̶ ne'pty yaj'awimbijtku̶xu̶chu̶ñ y neby je̱'e̱ ayo'on ka'anaagnáx ye̱jkku̶xu̶chu̶ñ ya naaxwiiñ naag'ook naty timychojkku̶xyu̶ñ.

Adaa me̱tzkpu̶ nidu̶y'ajt'ajtpu̶ du'un je̱' neby je̱'e̱ me̱tzkpu̶ olivo kepy y neby je̱'e̱ me̱tzkpu̶ ju̶u̶ndooybye̱jtk, mu̶dyiibu̶ jim ijtp ma je̱'e̱ Windzú̶n wyinduuyu̶ñ, je̱'e̱ mu̶dyiibu̶ je̱'e̱ naaxwiimbu̶ ane̱'e̱mbu̶ñ. Pu̶nu̶ jii naty pu̶n nej tyuna'añyii ajku̶xy, je̱' yajpu̶dzu̶u̶mgu̶xypy ju̶u̶n je̱'e̱ awakjooty y tyimyyaj'o'kku̶xypy je̱'e̱ myu̶dziptu̶jk, mu̶dyiibu̶ naty oy nejpy tunaanu̶bu̶ñ ajku̶xy.