Popular Bible Verses from Apocalipsis 10

Share

Ko naty tu̶ myu̶baad'áty mu̶naa je̱'e̱ mu̶juxtujkpu̶ ángel tyrompeta yajxuuxtu̶gu̶'u̶wu̶chu̶ñ, tu̶ naty je̱'e̱ Dios yu'uchpyu̶ tyu̶y'ajt du'un kya'pxy, neby je̱'e̱ tyuumbu̶du̶jk ku̶'u̶m yajnejwu̶u̶ygyu̶xyu̶ñ je̱'e̱ y'ayuuknajtzkapxu̶u̶ybyu̶du̶jk ajku̶xy.”

Mu̶'it u̶u̶ch xyñu̶maaygyu̶xy: “Mjatytimyñigápxu̶py ja'adu'ook neby je̱'e̱ Dios myu̶na'añu̶ñ ma je̱'e̱ mutzk naax mutzk kajpt mayu̶ñ, y du'uñdyu̶ je̱'e̱ naax kajpt kyu̶xy'ajta'ayu̶ñ, ma je̱'e̱ mu̶dyiibu̶ tu̶gachjyaty kápxku̶xpu̶ñ y ma je̱'e̱ ane̱'e̱mbu̶du̶jk ajku̶xyu̶ñ.”

Chi u̶u̶ch je̱'e̱ ángel mu̶k'ajtmu̶u̶dpu̶ ja'adu'ug n'ijxy ko tzajpjooty kyu̶da'agy jok'agujk; jim najty i'inch tu'ug mu̶u̶du̶ch ma je̱'e̱ kyu'ubajku̶ñ, janch adu̶kxp najty je̱'e̱ wyiin jyu̶jp, neby je̱'e̱ xu̶u̶ju̶ñ, y je̱'e̱ tyeky du'un je̱'e̱ kyu̶xu̶'u̶gy neby je̱'e̱ mu̶jju̶u̶nyé̱ngu̶ñ.

Chi u̶u̶ch je̱'e̱ ángel nninu̶kxy y nyujkwaañu̶ch ko u̶u̶ch je̱'e̱ mutzk naky abu̶dity ja'aybyu̶ wan xymyo'oy, y chi u̶u̶ch xy'adzooy: “Chaa matz y pu'uy. Pa'ag yu̶'u̶ xy'adu̶gu̶'u̶wa'añ neby je̱'e̱ ceru̶pa'agnu̶u̶ju̶ñ, peru̶ ko jiiby mjootjooty kyu̶da'agu̶ch jiiby je̱'e̱ tya'amu̶'u̶wu̶ch.” Chi u̶u̶ch je̱'e̱ mutzk naky abu̶dity ja'aybyu̶ ngu̶u̶ychooy, je̱'e̱ mu̶dyiibu̶ je̱'e̱ ángel najty kyu̶'u̶yu̶ñ, y chi u̶u̶ch nbu'uy; y janch pa'ag u̶u̶ch je̱'e̱ xy'adu̶gu̶u̶y neby je̱'e̱ ceru̶pa'agnu̶u̶ju̶ñ, peru̶ ko u̶u̶ch najty tu̶ n'okku'u''uuknáxy, chi u̶u̶ch jiiby njootjooty tya'amu̶u̶y.