Popular Bible Verses from Santiago 4

Share

Nayyajku̶'u̶du̶gu̶u̶yu̶gu̶x je̱'e̱ Dios tu'ug'aa tu'ugjoot. Windu̶naaygyu̶x je̱'e̱ mu̶jku'u mu̶k, y ke̱'e̱gu̶p je̱' ma miich ajku̶xyu̶ñ.

Mu̶wingoongu̶x je̱'e̱ Dios tu'ug'aa tu'ugjoot, y mu̶'it je̱'e̱ Dios miich xymyu̶wingoongu̶xu̶ch y xypyube̱jt xypyudu̶gu̶u̶ygyu̶xu̶ch. ¡Yajwaatzku̶x je̱'e̱ mboky mgu̶dyeey, miich pokyjya'aydyu̶jk ajku̶xy! ¡Yajwaatzku̶x je̱'e̱ mjoot mwinma'añ miich mu̶dyiibu̶ je̱'e̱ Dios tzojkku̶xp ju̶wu̶u̶ygyu̶xpu̶ñ y nan m'adzojkku̶xy nandu'un ku̶xyu̶ mu̶dyiibu̶ yaa naaxwiiñ yajpaatpu̶ñ!

Yuung naaxypy naybyu̶daaku̶gu̶x ma je̱'e̱ Windzú̶n Dios wyinduuyu̶ñ, y mu̶'it je̱'e̱ Dios xykyu'umaaygyu̶xu̶ch.

Peru̶ je̱'e̱ Dios xypyube̱jtp xypyudu̶gu̶u̶yu̶mb ajku̶xy mu̶u̶d je̱'e̱ myay'ajtu̶ñ, je̱' ko du'un je̱'e̱ Dios ñaky myu̶na'añ: “Dios ka'p je̱'e̱ oy'ixy je̱'e̱ mu̶dyiibu̶ mu̶j ku̶xp nayjyu̶wu̶u̶yu̶gu̶xpu̶ñ, peru̶ pyubejtypy pyu̶du̶gu̶u̶by mu̶u̶d je̱'e̱ may'ajtu̶ñ, je̱'e̱ mu̶dyiibu̶ yuung naaxypy ja'ay'ajtku̶xpu̶ñ.”

Pu̶n je̱'e̱ oybyu̶ ja'anejwu̶u̶ybyu̶ñ y ka'p tuñ, pokytyuumb je̱'e̱ du'un.

y pu̶nu̶ m'amdoowu̶py ajku̶xy, y ka'p mbaatku̶xy, paady je̱'e̱ mga'apaatku̶xy je̱' ko ka'p oy m'amdoogu̶xy, y ko jim myajtunaangu̶xy ma ka'p pyadyiiju̶ñ.

¡Miich ja'ay ajku̶xy mu̶dyiibu̶ je̱'e̱ Dios mu̶duundu̶gooygyu̶xpu̶ñ! ¿Nej ka'p miich mnejwu̶u̶ygyu̶xy ko je̱'e̱ naaxwiiñ xondaaku̶ñ nmu̶dnaymyu̶gu'ug'ajtu̶mu̶ch ajku̶xy nmu̶dzip'ajtypy naty je̱'e̱ Dios du'un ajtu̶m ajku̶xy? Wanpú̶nu̶ch pu̶n je̱'e̱ naaxwiiñ xondaaku̶ñ mu̶dnaymyu̶gu'ug'ajtu̶bu̶ñ, mu̶dzip je̱'e̱ du'un wyimbity ma je̱'e̱ Diosu̶ñ.

¡y ni mga'anejwu̶u̶ygyu̶xy tii jaboom juxtu̶kp miimb ku̶daakp ma je̱'e̱ mdzu̶naay mjugy'ajtu̶ñ ajku̶xyu̶ñ! Miich du'un miich ajku̶xy neby je̱'e̱ nu̶u̶ma'aju̶ñ mu̶dyiibu̶ tzojku̶ ku̶xu̶'kp, y chi tzojku̶ y'adu̶goyu̶'u̶y.