Popular Bible Verses from Santiago 2

Share

Du'un jyaty mu̶u̶d je̱'e̱ mu̶bu̶jku̶ñ, je̱'e̱ agu̶ mu̶bu̶jku̶ñ, je̱' u̶u̶ch du'un ndijpy pu̶nu̶ ka'p je̱'e̱ oyjya'ay'ajtu̶ñ nyajni'igu̶xu̶'ku̶m ajku̶xy ma je̱'e̱ mu̶dyiibu̶ yajtuumbu̶ñ, ka'p je̱'e̱ du'umbu̶ mu̶bu̶jku̶ñ tyuñ.

Du'un neby je̱'e̱ ni'kx kopt o'ogy y'ityu̶ñ, je̱'e̱ mu̶dyiibu̶ aanu̶mu̶ ka'p okmu̶dajtnu̶ju̶ñ, nandu'un jyaty mu̶u̶d je̱'e̱ mu̶bu̶jku̶ñ ka'p je̱'e̱ tyuñ pu̶nu̶ ka'p ñaybyubedyii mu̶u̶d je̱'e̱ oyjya'ay'ajtu̶ñ.

“Mu̶gu'uktu̶jk ajku̶xy, ¿ti oy'ajt du'un n'okpaattu̶mu̶p ko du'un nmu̶naanu̶mu̶ch ajku̶xy ko je̱'e̱ mu̶bu̶jku̶ñ yajmu̶dáty ma je̱'e̱ Diosu̶ñ pu̶nu̶ ka'p naty nyajni'igu̶xu̶'ku̶m ajku̶xy ma je̱'e̱ mu̶dyiibu̶ nduunu̶mbyu̶ñ ajku̶xy? ¿Nej xyajni'idzooku̶mu̶p je̱'e̱ du'umbu̶ mu̶bu̶jku̶ñ daju̶?

Miich mmu̶bu̶jkypy ko je̱'e̱ Dios je'eyu̶ tyu'ugu̶ch, y oy du'un ko du'un mmu̶bu̶ky. Peru̶ nan myu̶bu̶jkku̶xypy je̱'e̱ ka'a'óybyu̶ Dios nandu'un y tzu̶gu̶u̶ygyu̶xp mu̶u̶d je̱'e̱ tzu̶gu̶'u̶ñ.

Wandu̶ du'un pu̶n myu̶na'anu̶ch: “Miich mu̶dajtypy miich je̱'e̱ mu̶bu̶jku̶ñ ma je̱'e̱ Diosu̶ñ, y u̶u̶ch nduumbyu̶ch je̱'e̱ oybyu̶.” Y u̶u̶ch mu̶naamb ko je̱'e̱ oyjya'ay'ajtu̶ñ jyatytyimy'óyu̶ch nduunu̶mu̶ch nandu'un je̱' ko miich mu̶dyiibu̶ je̱'e̱ oyjya'ay'ajtu̶ñ ka'p mduñu̶ñ, ka'p mu̶baad myajni'igu̶xu̶'u̶gy ko je̱'e̱ mu̶bu̶jku̶ñ mmu̶u̶du̶ch ma je̱'e̱ Diosu̶ñ. Y du'un neby u̶u̶ch je̱'e̱ mu̶bu̶jku̶ñ u̶u̶ch nmu̶u̶du̶chu̶ñ ma je̱'e̱ Diosu̶ñ oy pu̶n je̱'e̱ oyjya'ay'ajtu̶ñ du'un nejwu̶'u̶y mu̶dyiibu̶ u̶u̶ch nduumbyu̶ñ.

Pu̶n je̱'e̱ pa'a''ayoowu̶ñ ka'p tu̶ tuungu̶xy ma je̱'e̱ myu̶gu'ugtu̶jk ajku̶xyu̶ñ, nan ka'p je̱'e̱ yajpa'a''ayoogu̶xu̶ch ko naty yajtu̶ydyuungu̶xy, peru̶ pu̶n je̱'e̱ pa'a''ayoowu̶ñ tu̶ tuungu̶xy ma je̱'e̱ myu̶gu'ugtu̶jk ajku̶xyu̶ñ, je̱' ku'umaybyu̶dzu̶u̶mgu̶xu̶p ko naty yajtu̶ydyuungu̶xy.

Tu̶ m'ijxku̶xy mnejwu̶u̶ygyu̶xy, ko kyu'ubu̶jkypy je̱'e̱ Dios ja'ay nandu'un ko je̱'e̱ oyjya'ay'ajtu̶ñ tuungu̶xy, y ka'p myu̶'ittu̶'ajtyu̶ch ko je̱'e̱ mu̶bu̶jku̶ñ je'eyu̶ mu̶dajtku̶xy.

Y mu̶baad m'ixy ma je̱'e̱ Abrahamu̶ñ, ko ni'igu̶xu̶'k je̱'e̱ myu̶bu̶jku̶ñ ko je̱'e̱ Dios mu̶bu̶ky mu̶u̶d je̱'e̱ mu̶dyiibu̶ tyuunu̶ñ, y mu̶u̶d je̱'e̱ mu̶dyiibu̶ tyuunu̶ñ du'un je̱'e̱ myu̶bu̶jku̶ñ du'un kya'pxy.