Popular Bible Verses from Santiago 1

Share

“Mu̶gu'uktu̶jk, mu̶baad jootkujk mnayjyu̶wu̶u̶yu̶gu̶xy ko je̱'e̱ ayo'on jootmáy naty mayñax mbaatku̶xy m'ijxku̶xy. Tu̶ mnejwu̶u̶ygyu̶xy ko je̱'e̱ mmu̶bu̶jku̶ñ naty yaj'ijxmajtzku̶xy ko je̱'e̱ ayo'on jootmáy naty mbaatku̶xy m'ijxku̶xy, mu̶'it du'un mjajtku̶xy neby je̱'e̱ tzaachpyu̶ ayo'on mmu̶madaakku̶xu̶chu̶ñ mu̶u̶d je̱'e̱ mu̶k'ajt.

Pu̶nu̶ jii miich je̱'e̱ wij'ajt ke̱j'ajt ka'p nije̱' mmu̶dajtku̶xy, amdoowu̶ je̱'e̱ Dios ajku̶xy, y xymyooygyu̶xu̶p je̱', Dios myooby je̱'e̱ ja'ay ku̶xyu̶ mu̶j may y ka'p amaay amaay yeky, y nan ka'p nej myu̶na'añ.

Ja'aymye̱jtzku̶x adaa, mu̶gu'uktu̶jk mu̶dyiibu̶ u̶u̶ch oy ndzojkypy nju̶wu̶u̶ybyu̶ñ: ko nigu̶xyu̶ miich ni'ixu̶'u̶ ijtku̶x ko naty je̱'e̱ Dios y'ayuuk tyu̶y'ajt m'amdo'idaanu̶ ajku̶xy; peru̶ ka'p je̱'e̱ mgapxy m'ayuuk nigoo myaj'anajxku̶xy, y ka'p mja'ani'ijootma'tku̶xu̶ch.

Peru̶ jatytimy yajkoptu̶gu̶u̶ygyu̶x je̱'e̱ mu̶k'ajt y wan je̱'e̱ mjoot mwinma'añ xyajwaatzu̶ch ajku̶xy. Mmu̶dajtku̶xnu̶ch ka'pxy je̱'e̱ mmu̶bu̶jku̶ñ y ka'p tii myajtu̶goy'ajtku̶xnu̶ch.

Kuydyuungu̶x je̱'e̱ Dios y'ayuuk tyu̶y'ajt, y ka'p nigoo m'amdo'ijtku̶xy, pu̶nu̶ ka'p mguydyuungu̶xy nigoo naty du'un ku̶'u̶m mnaywin'u̶nu̶gu̶xy.

Jootkujk je̱'e̱ ja'ay ajku̶xy mu̶dyiibu̶ je̱'e̱ ayo'on jootmáy mu̶madaakku̶xpu̶ñ mu̶u̶d je̱'e̱ mu̶k'ajt, y ko naty tu̶ mu̶madaakku̶xy mu̶'it je̱'e̱ oy'ajt paatku̶xu̶ch je̱'e̱ jugy'ajtu̶ñ wiinu̶u̶xu̶u̶bu̶, je̱'e̱ mu̶dyiibu̶ je̱'e̱ Dios tu̶ yajwinwaanu̶u̶yu̶gu̶xyu̶ñ je̱'e̱ mu̶dyiibu̶ je̱'e̱ Dios tzojkku̶xp ju̶wu̶u̶ygyu̶xpu̶ñ.

Ku̶xyu̶ je̱'e̱ oybyu̶ y ku̶xyu̶ mu̶dyiibu̶ je̱'e̱ Dios ñi'iyejkypyu̶ñ mu̶dyiibu̶ yajmooyu̶mbu̶ñ ajku̶xy, Dios je̱'e̱ ye̱jkp je̱'e̱ mu̶dyiibu̶ tzajpjootyu̶ñ, je̱'e̱ mu̶dyiibu̶ je̱'e̱ po'o mu̶dza'a yajkoju̶ñ. Dios je̱' je'emy Dios'ajtp y ka'p nimu̶naa tyu̶gach neby je̱'e̱ po'o mu̶dza'a tyu̶gachu̶ñ.

Je̱'e̱ mu̶dyiibu̶ je̱'e̱ Dios y'ayuuk tyu̶y'ajt je'eyu̶ amdo'ijtpu̶ñ, y ka'p kuydyúñ, du'un je̱' neby je̱'e̱ ja'ay tu'ug wyiiñjyu̶jp ixyu̶ñ ma je̱'e̱ ijxku̶ñ: ku̶'u̶m ñay'ixyii, peru̶ ko wya'agwimbíty, chi ja'aydyu̶góy neby je̱'e̱ wyiiñjyu̶jp natyu̶ñ.

Je̱'e̱ wa'atzpu̶ tu̶y'ajt y ka'p je̱'e̱ ju̶bu̶kpu̶ maa, je̱'e̱ mu̶dyiibu̶ najxp Diosteedy winduuy adaa je̱': nbube̱jt nbudu̶gu̶u̶yu̶mu̶ch je̱'e̱ ko'ogy'ungtu̶jk y ku'o'ogytyo'oxyu̶jktu̶jk ajku̶xy, je̱'e̱ mu̶dyiibu̶ je̱'e̱ ayo'on jootmáy paatku̶xpu̶ñ y nnaygyweentu̶'ajtu̶mu̶ch ma je̱'e̱ ju̶bu̶kpu̶ mu̶dyiibu̶ yaa naaxwiiñ yajpaatpu̶ñ.

Ko naty pu̶n ñayjyu̶wu̶'u̶yii tyuundu̶goya'añ, ka'p myu̶na'anu̶ch ko je̱'e̱ Dios du'un yajtuundu̶goyaanu̶p, je̱' ko ka'p je̱'e̱ Dios pu̶n yajtuundu̶góy, y nan ka'p mu̶baad pu̶n yajtuundu̶goyii. Je̱'e̱ kyu̶'u̶m ju̶bu̶k adzojku̶ñ naty je̱'e̱ du'un yajtuundu̶gooyu̶gu̶xp je̱'e̱ mu̶dyiibu̶ yajnixondaaku̶gu̶xpu̶ñ y yajku'ubu̶jku̶gu̶xyu̶ tyuundu̶gooygyu̶xu̶ch.

Je̱'e̱ mu̶bu̶jkpu̶du̶jk mu̶dyiibu̶ ayoogu̶xpu̶ñ mu̶baad je̱'e̱ jootkujk ñayjyu̶wu̶u̶yu̶gu̶xy pu̶nu̶ pube̱jt pudu̶gu̶u̶yu̶gu̶xp je̱'e̱ Dios.