Popular Bible Verses from 1 Juan 3

Share

“Mu̶gu'uktu̶jk, mu̶dyiibu̶ u̶u̶ch du'un nju̶wu̶u̶by neby je̱'e̱ ung ana'ku̶ñ, ka'p nigoo nmu̶naanu̶mu̶ch ajku̶xy ko je̱'e̱ nmu̶gu'ug ndzojk nju̶wu̶u̶yu̶m ajku̶xy, tzu̶k du'un tuunu̶m ajku̶xy, wan du'un ñi'igu̶xu̶'u̶gu̶ch ko jaanch ndzojk nju̶wu̶u̶yu̶m ajku̶xy.

Nnejwu̶u̶yu̶mby neby je̱'e̱ Jesucristo xychojk xyjyu̶wu̶u̶yu̶mu̶ñ, paady xykyu'u'o'ogu̶u̶yu̶m ajku̶xy. Y nandu'un je̱'e̱ nmu̶gu'ug u̶u̶ch mu̶baad ndzojk nju̶wu̶u̶yu̶m ajku̶xy y ngu'u'o'ogu̶u̶yu̶mu̶ch ajku̶xy.

Ok'ijxku̶x, mu̶j je̱'e̱ Dios Teedy xychojku̶m xyjyu̶wu̶u̶yu̶m ajku̶xy neby mu̶baad Dios ung nnaydyiju̶mu̶ñ ajku̶xy, y je̱' ajtu̶m ajku̶xy. Paady je̱'e̱ naaxwiiñjya'ay xykya'a'u̶jxkajpu̶m pu̶n ajtu̶m ajku̶xy, je̱' ko ka'p je̱'e̱ nejwu̶u̶ygyu̶xy pu̶n Diosu̶ñ.

Peru̶ pu̶n pokytyuumb je̱'e̱ mu̶jku'u jye̱' je̱'e̱ pyaduunu̶py, je̱' ko je̱' je̱'e̱ poky ku̶dyeey yajtzondaak mu̶naa je̱'e̱ naaxwiiñ aga'an chonda'agyu̶ñ. Y paady je̱'e̱ Dios y'Ung ya naaxwiiñ myiiñ neby je̱'e̱ poky yajku'udu̶góyu̶chu̶ñ mu̶dyiibu̶ je̱'e̱ mu̶jku'u yajtzondaaku̶ñ.

Pu̶n je̱'e̱ Dios ung'ajtu̶bu̶ñ ka'p je̱'e̱ y'okpokytyuunu̶, je̱' ko jembyu̶ jugy'ajt je̱'e̱ myu̶u̶d, mu̶dyiibu̶ je̱'e̱ Dios tu̶ myo'oyiiju̶ñ. Y ka'p mu̶baad y'okpokytyuunu̶ je̱' ko Dios ung je̱'e̱ju̶ñ.

Pu̶nu̶ jii pu̶n kyumeeñu̶ch y ixy ko je̱'e̱ myu̶gu'ug y'ayoy yajmayjyáty ku̶xyu̶ tii, y ka'p pubety, ka'p je̱'e̱ du'umbu̶ ja'ay Dios tzoky ju̶wu̶'u̶y.

Pu̶n je̱'e̱ Dios y'ane̱'e̱mu̶ñ kuydyuungu̶xpu̶ñ Dios je̱'e̱ mu̶u̶d y'ijtku̶xy, y je̱'e̱ Dios ijtp mu̶u̶d je̱' ajku̶xy. Y adaa du'un xyajnejwu̶u̶yu̶mb ajku̶xy ko je̱'e̱ Dios yajpaady ma u̶u̶ch ajtu̶m ajku̶xyu̶ñ mu̶u̶d je̱'e̱ y'Espíritu Santo mu̶dyiibu̶ tu̶ xyaj'adu̶gu̶u̶y xyajjoottu̶gu̶u̶yu̶mu̶ñ ajku̶xy.

Paady yajnejwu̶u̶by pu̶n Dios ungu̶ñ y pu̶n mu̶jku'u ungu̶ñ, wanpú̶nu̶ch pu̶n je̱'e̱ oybyu̶ ka'p tuñ o pu̶nu̶ ka'p je̱'e̱ myu̶gu'ug tzoky ju̶wu̶'u̶y, ka'p je̱'e̱ Dios y'ung'adyii.

Adaa je̱'e̱ ayuuk tu̶y'ajt mu̶dyiibu̶ mmu̶doogu̶xu̶ñ ko aga'an mmu̶bu̶jktzóngu̶xy, ko amíñ u̶xyu̶py naychojk nayjyu̶wu̶u̶yu̶mu̶ch ajku̶xy.

“Mu̶gu'uktu̶jk, ka'p myajju̶wu̶u̶ygyu̶xy pu̶nu̶ ka'p je̱'e̱ naaxwiiñjya'ay xy'ixaangu̶xy, je̱'e̱ mu̶dyiibu̶ je̱'e̱ Dios y'ayuuk ka'p mu̶bu̶jkku̶xyu̶ñ.