Popular Bible Verses from 1 Juan 2

Share

Ka'p je̱'e̱ pokytyunu̶u̶ m'adzojkku̶xy ni je̱'e̱ ju̶bu̶kpu̶ mu̶dyiibu̶ ya naaxwiiñ yajpaatpu̶ñ. Pu̶n je̱'e̱ pokytyunu̶u̶ adzojkpu̶ñ, ka'p Dios je̱'e̱ mu̶bu̶ky; ku̶xyu̶ mu̶dyiibu̶ je̱'e̱ naaxwiiñ y'awanu̶u̶by, ka'p je̱'e̱ jiiby chooñ ma je̱'e̱ Dios Teedyu̶ñ, yaayu̶ je̱'e̱ chooñ ya naaxwiiñ. Y adaaju̶tz je̱'e̱ naaxwiiñ y'awanu̶u̶by: je̱'e̱ ju̶bu̶k naaxwiiñjya'ay adzojku̶ñ winma'añ, ku̶xyu̶ tii adzojku̶ñ mu̶dyiibu̶ nayyajnaygyu'umaayu̶bu̶ñ ma je̱'e̱ ja'ay ajku̶xyu̶ñ y je̱'e̱ amu̶j jootmu̶j'ajtu̶ñ winma'añ ko ku̶xyu̶ tii yajmu̶dáty.

Ku̶xyu̶ tijaty ya naaxwiiñ yajpaatp, kú̶xu̶p tu̶góyu̶p je̱' mu̶u̶d je̱'e̱ jyu̶bu̶k'adzojku̶ñ ku̶xyu̶; peru̶ pu̶n je̱'e̱ Dios chojku̶ñ kuydyuumb jugy'ajtku̶xu̶p je̱'e̱ wiinu̶u̶xu̶u̶.

Pu̶n mu̶maamb ko tu'ugyu̶ y'ity mu̶u̶d je̱'e̱ Dios, du'un je̱'e̱ chu̶na'awu̶ch neby je̱'e̱ Jesucristo chu̶naayu̶ñ.

“Mu̶gu'uktu̶jk, mu̶dyiibu̶ u̶u̶ch du'un nju̶wu̶u̶by neby je̱'e̱ ung ana'ku̶ñ, cham adaa tu̶y'ajt nyajnijayu̶u̶ygyu̶xy ka'pu̶ mduundu̶gooygyu̶xu̶ch. Peru̶ pu̶nu̶ tuundu̶gooby pu̶n nidu'ugtu̶, nmu̶dajtu̶mby je̱'e̱ wingapxpu̶ tu'ug ma je̱'e̱ Dios Teedy winduuyu̶ñ, je̱'e̱ Jesucristo je̱' y tu'uda'agy je̱'.

Peru̶ pu̶nu̶ jii pu̶n myu̶na'añ: “U̶u̶ch nmu̶bu̶jkypyu̶ch je̱'e̱ Dios” y ka'p je̱'e̱ y'ane̱'e̱mu̶ñ kuydyuunu̶, anu̶u̶'ajtp naty je̱'e̱ du'un y ka'p je̱'e̱ tu̶y'ajt yajpaady ma je̱'e̱ju̶ñ.

Pu̶nu̶ nguydyuunu̶py je̱'e̱ Dios y'ane̱'e̱mu̶ñ ajtu̶m ajku̶xy, mu̶'it je̱'e̱ tu̶y'ajt nmu̶dajtu̶m ajku̶xy ko je̱'e̱ Dios nmu̶bu̶jku̶m ajku̶xy.

Pu̶nu̶ jii pu̶n myu̶na'añ ko yajpaady ma je̱'e̱ tu̶y'ajt mu̶dyiibu̶ du'un neby je̱'e̱ tu̶kxu̶ñ jaju̶ñ, peru̶ myu̶'ixnaaby je̱'e̱ myu̶gu'ug y ka'p ixa'añ, agootztuum je̱'e̱ yajpaatyñu̶.

¿Y pu̶n je̱' je̱'e̱ anu̶u̶'ajtpu̶? Je̱' je̱' je̱'e̱ mu̶dyiibu̶ du'un mu̶naamb ko ka'p je̱'e̱ Jesús jye̱'e̱ju̶ch je̱'e̱ Cristo. Y je̱' je̱'e̱ Cristo mu̶dzip'ajtp, je̱'e̱ mu̶dyiibu̶ je̱'e̱ Dios Teedy ni je̱'e̱ Dios Ung ka'p ku'ubú̶kyu̶ñ.

Wanpú̶nu̶ch pu̶n je̱'e̱ Dios y'Ung ka'p mu̶bu̶jku̶, nan ka'p je̱'e̱ Dios Teedy mu̶bu̶ky, peru̶ pu̶n je̱'e̱ Dios y'Ung mu̶bu̶jku̶py, nan myu̶bu̶jkypy je̱'e̱ Dios Teedy nandu'un.