Popular Bible Verses from YOSHU 6

Share

ASANG wa Yoshu re ngo wa Yerikho vogaung: re yao" kho:kham we' yao" sulhe: gyezo: qe alhab' we' daga" ni" lo, mae ke' byid' ra".

Ai: thao re yao: bam wa dathoe za: qhang sho' mad genae" ngad: ako". Naonhaung" ai: thoe re the' gyo: we' yauggai alhab' mo, wa thoe qi we' hug' mung: vomo" vang jham wa gyang: gyoe; lo" li" genae". Ai: thao re gyetab geim" wa din: za: vomo" khug khyo khe' vao ye" lo" li" genae".

Nao we' ni" gyezo: qe wa ai: vomo" re daba re dalhang lhang su" lhang" mung: airu: khyaug' ba kad' genae" ngad: ako".

Labo" dayaug dalam: ci: ra" khinjaung nhad' yaug wa Dao: Thang" Ban" qhid' au: mae ye: ca" genae" ngad: ako". Nhad' ba ein: ba re nao we' ni" gyezo: qe wa khinjaung qe labo" jham re mad: na ko" au: ai: vomo" re nhad' lhang su" lhang" qin" genae"- ngad: ra".

Yerikho vogaung: kham: dung: jham wa pyid' to: mung: Israel byu qe maphao: thug' lo" sho' zaung" to" ako". Vomo" re vao vao thug' thug' khag' magai: kad' ngad: ra".

Nhad' lhang: lhang khinjaung qe labo" mad nae" seim" gelao" Yoshu wa yao" byu qere hug' genae" amyin" byid: mung:- yao: wa ASANG wa vomo" re naonhaung" re byid' to" ava"- ga: ta" ra".

Vomo" we' aimae" ja: khao: ngo" re ASANG re qhaug' byid' ra" xeim: khyo" alhab' bin sho' phyo' qheim" pye' ca". Shava myhi" Rahab we' yao" yham byu qere za: tang" to: nae" ngad: ra". Pe"mung:ga"re yao: wa ngonhaung" nho: jin" byu qere nyham: byid' ra".