Popular Bible Verses from 2 KHO:KHAM 4

Share

Elisha wa- ni" qhid' mae" ngo pe" kad' byid: nae" i? Nao yham mae pe" qo" i? Ngo re ta" kyo: la,- ga: myid' ra". Yao: wa zhanlun xau yae angai dayae: mae" je yang: gatau pe" re: maqo"- ga: ta" ra".

Lapa phung: mae bobo: ra" cug' mo" myhi" dayaug wa Elisha jhao" ye: mung: ASANG we"- nga" yham sang pho" shid va". Nao ba: ru we' dakhyo: yao: wa Mao"So re gyaug phug' ra" yaug ngad: ra". Ana" yao" jhin sang byu dayaug wa nga" yham sang pho" nho: jhin qhid' mae" nga" yauggai zo: shid' yaug re jeim khyo" jhui" yu: pye' nae" joe" li" ava"- ga: ta" ra".

Elisha wa ni" yham kyo: cao: jhao" ye: mung: nao qo" boe" qhi" yae akeim jham ye ngho: wa,

Ai: thao re nao we' ni" yauggai zo: tao wa yham khug khyo vao lo" mung: kham: pyid' pye' yang: yae: jham mae xau vhe' ke' ge,- byang" we' ayae mae to: wa,- ga: ta" ra".

Yao: maho' yae: alhab' re bin: ke' gelao" yao: wa yae gatau jo, shi" i? ga: myid' ra". Yao" yauggai zo: dayaug wa ai: lam wa lo" thao" ngad va"- ga: tau" ra". Ailao" zhanlun xau yug: ru thang: lo" byaug: ra".

Yao: wa lapa Elisha jhao" dam: ye" ra". Ai: lapa pho" wa yao: re- zhanlun xau jham re aung: mung: ni" jhin alhab' re xe' pye' wa,- nao we' ni" yauggai zo: tao: qhid' mae" kao so' khau nae" ngaui laug sho' dang: li" nae"- ga: ta" ra".

Aimung: myiqe: myhi" wa yao" yauggai zo: tao we' daga" yham khug khyo vao lo" mung: kham: pyid' pye' yang: zhanlun xau yae: angai re yu: yu mung: yao" yauggai zo: tao yu byid' ra" yae: jham mae xau vhe' ke' ra".

Ai: thao yao: wa yauggai nau" dao mae gam" gyo" mung:- yao" nhad'- myo,jid' lo, re yauggai nau" nho: nhad'- myo, jid' lo, dao mae to" ra". Yao: ai: yauggai nau" dao mae goe; jo; au: yauggai nau" nho: gaung wa lam: li" ra".