Popular Bible Verses from 2 KHO:KHAM 5

Share

Suri gyezug: Naman wa Suri kho:kham pho" yang phug' myao: mung: nga: yhe' byid' ru qhug' ra". Pe"mung:ga"re ASANG wa Naman khyo" yang Suri gyetab jham re aung doe; ru byid: yang: ngad: ra". Yao: wa gyai lhe" ra" gyezo: dayaug ngad: ra". Ngadqere: yao: wa mao gae: no de; ra".

Elisha wa daui daui yaug re nhao: ke' mung: Yodan gyaung: mae nhad' lhang yao" gaung re yecid' lao" yao" no bin sho' gai lo" nae" ngad: ra" khyo Naman re ta" nhao: ke' ra".

Aimung: Naman wa Yodan gyaung: khyo gyo" ye: mung: Elisha ta" ru we' dakhyo: yao" gaung re nhad' lhang ye jam: ra". Ailao" yao: wa bin sho' gai: lo" byaug: ra". Yao" sho: wa zoshao dayaug we' dakhyo: tang: li" mung: qao" zin" li" ra".

Ngadqere: Naman wa nhag' yo: mung: -nang" thao" yao: wa ngojhao" thug' li" mung: yao" Mao"So re akyu" mho' yang: yao" lo, re no dae khu dao mae vhag' byid: mung: gai byid: nae" ein: ngo myid: jho: ra".

Yao" daui daui mo, wa yao: jhao" ye: mung: zug: pho" we"- lapa pho" wa qug' ra" ja: daja: ja: kad' nae" nao re kad' nhao: re- nao kad' ca" nae". Yao: ta" ru we' dakhyo:- ana" pe"mung: naoyao" gaung re cid' yang: maqo" ya: yu i? ga: ta" ako".

Daba na mae yao: wa yao" jeim sang myhi" re- ngo wa nga" ASANG re Samari mae na: ra" lapa pho" jhao" ye: nhao nug: ra". Lapa wa yao" no re qo" gai byid' ra"- ga: ta" ra".