Popular Bible Verses from रोमी 15

Share

रेःवा तेर्केन कोन्ज्योखाला ख्याक्याइ सेमल्हुक लुदी एः। खुङगीइरा ख्याक्याला माःङ्बुरा केःदाङ जोज्युक ओःले खाम्साङा तेर्च्युक। ओःन्डुलेरा चाङ्मा लाइ ल्हेलाःम्‍ले ख्याक्याइ रेःवा ताःरुङ माःङ्बु काःल्देरा डोज्युक।

छ्‍येइ पेज्याला ताःङ्बु ताःङ्सीःङला प्रुःक्योक तामक्या उःला लोप्चेइ लागी प्रुःक्योक इःङे। उःइ रेःवा मासीज्युक लाःती छ्‍येइ पेज्याइ उःला नाजे खुगेन ल्हे ओःले उत्साह तेर्कुए।

नागेन ल्हे ओःले उत्साह तेर्केन कोन्ज्योइरा ख्याक्या चीगकीइ राःङ्सा ङीमु येशु ख्रीष्टकीइ सेम पेःक्योक च्योःङ्‍राले डीक्‍ती तेःचे खुगेन ल्हे तेर्च्युक। एःन्डुले ख्याक्या चीग्रा सेमगीइदी काःल्दी के चीगलारा उःइ प्रभु येशु ख्रीष्टकीइ आबा कोन्ज्योला ख्याक्या थाम्जेरकीइ महीमा तेर्चे खुज्युक।

ओः सोङ्‍गारा, कोन्ज्योइ महीमाइ लागी ख्रीष्टकीइ ख्याक्याला ग्रहण पेःक्योक च्योःङ्‍रा ख्याक्याङ चीगकीइ राःङ्साला ग्रहण पेःदो।

उःक्या थाम्जेरकीइ राःङगीइ टोःङ्‍रीक्याला याःबु काःल्ज्युक ओःले खुङ सेमल्हुकला राःम्बु ओःङ्ज्युक लाःती खोला केःदाङ जोकोः।