Popular Bible Verses from रोमी 14

Share

चीलेलाःना कोन्ज्योइ क्याःल्खाप लाःक्योक साःजे रा थुङ्जे चीग्रा मीःङे, इःनाङ कोन्ज्योइ तोःङ्ला ताःक्पा लेःगा पेःजे, राःङ्सा ङीमु डीक्‍ती तेःचे ओःले खाम्साङ्बु ओःङ्जे इःङे। दी थाम्जेर तामक्या चाङ्मा लाइ तेर्कुए। एःन्डु पेःदी ख्रीष्टकीइ मेःबा पेःगेनक्याइ कोन्ज्योला केःदाङ जोउए ओःले मीःक्याइ खुङक्याला याःबु लाःकुए।

उः सेन्गुए लाःना प्रभुइ लागीरा सेन्गुए ओःले सीउए लाःनाङ उः प्रभुइ लागीरा सीउए। ओः सोङ्‍गारा, उः सेन्‍नाङ ओःले सीनाङ उः प्रभुइदीरा इःङे।

ओः सोङ्‍गारा, उः खाम्साङ्बु तेर्केन्दी ओःले सेमल्हुकला चीगकीइ राःङ्साला राःम्बु जोगेन लेःगाक्याला चीग्रा सेम तेर्कोः।

ओः सोङ्‍गारा, ताःमीःजीक उः चीगकीइ राःङ्साला ठीम माःबेगा, बरु उः राःङगीइ नोःक्याला ङाःर्तोक फोगेन्दी ओःले लाःयोला लेप्केन लेःगाक्या पेःगेन म्याः लाःती सेमला ठीवा साल्गा।

चीलेलाःना छ्‍येइ पेज्याला एःन्डुबा प्रुःदी एः, “प्रभुइ लाःकुए, ‘ङाः सोम्बो एः, थाम्जेर ङाःइ तोःङ्ला पीमु चुगेन एः, ओःले थाम्जेरकीइ कोन्ज्योला प्रशंसा तेर्केन एः।’” ओः सोङ्‍गारा, उःक्या थाम्जेरकीइ राःङ राःङगीइ पेःक्योक लेःगाक्याइ प्रुःदुक्पा कोन्ज्योला तेर्कोःउए।

सेमल्हुकला राःम्बु म्याःक्योक मीःक्याला तोःङ्ज्याङ पेःदो, ओःले ओःखोइ ठीवा साल्क्योक तामला ठुक्पा क्याःप्केन लेःगादी माःबे।

राःङ्साइ योक्पुला ठीम पेःगेन्दी ख्यो सु इःङे? खोइ ताःक्पुइ का खोइ याःबु पेःबा की माःइबा पेःबा लाःती ठीवा चेकुए। ओःले खोइ ताःक्पुला याःबुले मेःबा पेःजे खुउए चीलेलाःना प्रभुइरा खोला ओःन्डु पेःजेला रोः पेःउए।