Popular Bible Verses from रोमी 15

Share

त अउं प्रार्थना कता कि जे परमेश्वर हें जीवन उम्मीद जुए भरता, विश्वास करण अन्तर तुसी सोब किस्मी खुशी त शान्ति जोई भरे, ताकि शुची आत्माई ताकती बेलिए तुस अपु उम्मीद अन्तर पक्के भोई घियेल। आमीन

किस कि धरमे कताब अन्तर जे बि बोक पेहलाई लिखि गो असी, से हें शिक्षाई लिए लिखिए असी, ताकि तेसे बेलि अस लाह जोई दुख सीढ़ बटते, त तसे हिम्मते बेलिए असी उम्मीद मेई सकती।

अउं प्रार्थना कता कि लाह त हिम्मत देणे बाड़ा परमेश्वर तुसी यीशु मसीहे ईं अपफ बुच यक मन भोई कइ बिशणे वरदान दियेल, ताकि तुस यक मन भोई कइ त उई मी कइ हें प्रभु यीशु मसीहे बोउ परमेश्वरे गुणगान करियेल।

तोउं त, जीं मसीहे तुस अपणाओ असे, तिहांणि तुस बि यकी होरी जोई उई मी कइ बिशे, ताकि परमेश्वरे महिमा भोल।

असी बुचा हर यक जेईं से सोब करण चहिए, जेसे बेलि हें होरे विश्वासी भाई भेणि के मदत भोई बटियेल त मसीह पुठ विश्वास अन्तर से पक्के भोई घियेल।