Popular Bible Verses from रोमी 14

Share

किस कि परमेश्वरे राज्य अन्तर खाणे पीणे कोई खासियत नेईं, खासियत असी त शुची आत्माई बेलि धर्मी जीणे, अपफ बुच उई मी कइ त खुशी जुए बिशणे। अगर तुस एसे ईं मसीहे सेवा कते, त परमेश्वर तुसी जुए खुश भुन्ता, होर मेह्‍णु तुं इज्जत कते।

त अगर अस जीन्ते असे त अपु जीणे बेलि से खुश करण चहिए। होर अगर अस मरते त अपु मरण अन्तर बि प्रभु खुश करण चहिए। तोउं त, चहे अस जीएल या मरेल अस प्रभुएरी भोई कइ तस खुश कते।

तोउं त, असी लगातार तेन्हि बोकी अन्तर कोशिश करीण चहिए जेसे, बेलिए होरी जोई मेल मिलाप बधता त सोबी के अन्तर सुधार भोल।

तोउं त, चले, इढ़िया पता अस यकी होरी पुठ हउ दोष न लान्ते। पर तुस पक्कु करे कि तुस केसे पाप करणे या मसीह पुठ विश्वास खतम करणे बझह ना बणियेल।

किस कि धरमे कताब अन्तर लिखो असु कि “प्रभु बोता, ‘मोउं अपु जिन्‍दगी सोह कि हर यक जेईं में अगर उटेऊ ठेल देन्ते, त हर यक जिभुड़ मोउं परमेश्वर मानतु।’” त, असी बुचा हर यक जेईं परमेश्वरे धे अपु अपु लेखाजोखा देण एन्ता।

ए ट्यारेओ! तुस तेन्हि सोबी विश्वासी मेह्‍णु जुए बि उई मी कइ बिशे, जे कुछ बोकी बारे विश्वास अन्तर अभेईं बि कमजोर असे। तेन्हि जोई तेन्के शक पुठ बेहेस ना करे।

ईं कर कइ तुस जीं होरी नौखर पुठ दोष लान्ते, त तुस गलत कते। से सही कते या गलत कते, एसे फैसला सद तेन्के मालिक यीशु कइ बटता। प्रभु अपु सेवकी सुसुर रख बटता चहे से जे किछ बि खाणे बाड़े भोल।