Popular Bible Verses from रोमी 16

Share

तोउं, शान्ति देणे बाड़ा परमेश्वर शैतान तुं खुरे बइ झठ ढचवाई छता। हें प्रभु यीशु मसीहे दाह दया त कृपादृष्टि हमेशा तुसी पुठ भुन्ति रिहे।

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

अभेईं जे तुसी में खुश खबरी त यीशु मसीहे समाचारे हेसाब जोई विश्वास अन्तर पक्का कइ बटता, तेस परमेश्वरे महिमा लौती भो। ए खुश खबरी से बोक भो, जे जुग जुग केआं नियोको थी। पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल। तेस यके सर्व ज्ञानी परमेश्वरे यीशु मसीहे बेलि जुग जुग तकर महिमा भुन्ति रिहे। आमीन।