Popular Bible Verses from Mupala'a 22

Share

Eni ane tei xe eni kaluxu uasi a. Tei loxo mi vile uxali uao la eni exolu ane. Xe ulai ili'i mimi ukalu la eni axolu axonesi. Eni tava'u mimi mukalusi xe mi ma'ia la asivitanoxu avilesi.

La Iesua vaikalaou aloxo 'o, “Ngalomu, eni so apalea ane'e noxinge 'o. Ane'e la ano'u lakolisou ili'ilixo noxi'a tamitema vilevilesi so apilixinu noxi'a.

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Laso ngalomu. Iesua muvikala aloxo 'o, 'Eni a so apalea ane'e noxinge 'o.' Xe itema ane ulomuxu vaikala so pela'a no lavuku 'o la uxalisou osa'ilasi.

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.

La anu ane mupala'anixu mimi mukalusi 'o a uvikala aloxo 'o, “Ani, eni so apalea ane'e noxinge ane.” Uo manina misevile, Tatana­nenge Iesua nane'esi. La amasaxau lexe ngingi mukalusi ngaxamulinu iaiama noxou Tatana­nenge Iesua. Manina misevile. Anu anesi.

Noxi'a tamitema ta'ei ilomu­sou vaikala so pela'a no lavuku 'o la avikala manina aloxo 'o. Loxo evile umulaxu no latanu la tu'utu'umaxu ane ulemolu no lavuku 'o, Mosinge upilixinu noxou ane. Xe loxo evile uxexenu vaikala sevile no anu lavuku so pela'a 'o la Mosinge u'apixu no anu mimi lailaixe e lavuku 'o ua'aloxu. U'apixu laso itema ne u'ani no anu ovu so mauli uasi mo u'unalai no anu taoni noxou Mosinge u'isalili uasi.