Popular Bible Verses from Mupala'a 21

Share

Anu uxolu noxi'a laso ie'i lexaxu so mi vilela uasi. Mo soli uxalila uasi. Mo tamitema opone'i tu'umaxusou mi vile xe itama xe ixamulinu navunavula uasi. Mi anene so tateimo, umomomo so uxalila uasi.”

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Xe muvikalaleli aloxo 'ola, “Anu ane, mukalu. Eni ane tei xe eni kaluxu uasi a. Eni tava'u mimi mukalusi xe mi ma'ia la asivitanoxu avilesi. Loxo itema vile usoliou lexa la eni a'itixu no anu lexa so mauli luxu. A'itixu mo uiesi, ulotonu uasisi.

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”

Ioxe, emaleila la emaisou loxotolo alavua xe lialia alavua xo loxotolo ilou lialia ane tei tasiauxu mo mukalu avile. Mo luaki uxolula uasi.

Sila emaisou taoni noxou Mosinge u'isalili e Ielusalemo alavua. Anu molu noxou no tualasou mululu'e mo tokolomosou lailaixe manina aloxo sema ilalaxi mo itokolomo so itaula'ixu mulu'e.

Xe kalumo no taoni ne la tava'u so aso ilou so'io iiesou uasisi. Xo iaxu Mosinge a ulusou lamanaxu mo Sipisipi Ilie anu uxolu loxo lalamosou kalumo. La ane'i tatemanu xale tuatuala ixixaoxao no anu lamanaxu taoni nesi. Mo takingi so tuatuala no lialia ine'enu mimi lailaixe so i'unalaixu.