Popular Bible Verses from Mupala'a 20

Share

La tamitema ta'ei ane ualasi'a uxolu no anu lavuku so mauli uasi, la ane'i muka­lusi misu'a no taxa so navu kalumo.

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.

La luaki mu'italone'i tamitema misoisoli no anu so mimauli. Xe soli ilou tanixu soli kalumo mi'italone'i tamitema ane mikasi'a no anu soli. Mi'italone'i xe mitulu mimauli laso ane'i mukalusi mikoti so ixalisou nene'axu ilixo noxi'a. Mutilovosi'a tamitema xo xe mukalu laso ane, musu'anu soli ilou tanixu soli mulu'elai no taxa so navu. Taxa so navu ne, anu tanixu soli tameisou ane.

Ioxe, ieli muka loxo 'o la emaisou sia vile noxou kingi. Anu kea mo toxoxu e toxoxu. La emaisou evile muxolu no anu sila lialia ilou loxotolo mi'umolu mo tasiauxu avilesi.

Ioxe, loxo tau ie 1000 ukalui la ikisinu taxa e Uluaou mukalavusu no anu so ula. Xe loxo ula la u'oxonu loloxa'a tatemanu xale tuatuala mukalusi. Tuatuala ne itotokalasou lexe Xoxu xe Maxoxu. La anu upitane'i so ilalaxisou i'oto no anu uo. Ane'i tavu'alo e tavu'alo aloxo io'iio'i no luaki 'o, tamomomo so ta'itisi'a uasisi.