Popular Bible Verses from 1 Tioni 3

Share

O ta'alixeli moso 'o, mamu so talemolu sexela no ananenge vitanisi, ta'oxonu sexela manina no anu ilixomenge.

Ioxe, noxou Kalaisiti la mu'ita­lonu mauli noxou so musolisinge, xe no anu vote'i anene la tano'u lavulavusou sexela maninasou. Laso anu laixe so nenge kalumo tapilixinu mauli noxinge so su'ulisi'a tavivinge talopala.

Ai ngamalei no anu sexela tatila toe Maminge musexelanenge no anu. Xo anu Mosinge ia mumo­xo'inge lexe nenge 'o a Mosinge ta'olusi. La mi ne manina misevile, xo nenge ta'olu a. Laso maixene tatemanu lialia tane'ililiinge mo ilavusinge uasi xo ilavusou Mosinge uasi.

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

Manina lexe itema uxali Mosinge olu la anu so uxolu no anu ilixo so susu uasi. Mauli noxou Mosinge u'isalili uxolu noxou itema ne laso uxoxolu no anu susu uasi xo anu Mosinge olumo.

Ia loxo misomisou lialia muai noxou evile xe utatusou oponu noxi'a tavimou ane tasi'a xalusou avile, la sexela noxou Mosinge uxolu noxou axovae? Uasi to.

Anu ane ulolomuxu votovoto noxou Mosinge la mu'una mutalupexa nonano noxou mo Mosinge a mutalupexa nonano noxou itema ne. Xo mulosinge Ulenu laso anene vote'i so talavu lexe Mosinge a utalupexa nonano noxinge.

Ioxe, laso vote'i so tatongo lamana noxi'a tamitema lexe ane'i ta'ei Mosinge ta'olu xe ane'i ta'ei Uluaou ta'olu aloxo 'o. Tamitema ane imulinu ilixo mulapusi uasi ane'i tanoxou Mosinge uasisi. Xe ane'i ane imoxo'a tamitema lexe tavimo'a ia isexelaxa'a uasi, ane'i kalumo tanoxou Mosinge uasi.

Voto ane lexe tasexelanenge ngato'o ne ngelomusou no tava'u mune'e 'oe.

Tavivilo, loxo tatemanu lialia imatapiangengi la ngakulukemolu uasi.