Popular Bible Verses from 1 Tioni 2

Share

Mamu so opongengi usexelaxu lialia ano'o ilou misomisou. Xo loxo itema oponu usexelaxu misomisou lialia la sexelasou Maminge uxolu noxou uasi ane. Xo mimi masua e vasimenge upalusinge no anu xe mimi ane ienge ulapunenge no anu xe mimi no lialia so ta'itinenge no anu la anene molu noxou Maminge no tualasou uasi, anu mimi so lialia to 'osi.

La lialia ano'o ilou misomisou e ulapunenge no anu susu la anene so tasiauxusi. Ia itema ane umulinu masaxa noxou Mosinge la uxolu avile kaluxusou uasi.

Loxo evile u'oxo lexe “Eni epita axolu nonano noxou Mosinge a,” la anu masi muamua'i noxou aloxo muamua'ixu Kalaisitisi.

O eni asexelangenge aloxo ngingi ta'alixeli mososi. Eni akaukavunu vaikala ano'o ulai noxinge mo so ngingi ngasususu uasi. Ia loxo nenge vile ususu la Iesua Kalaisiti e so ilixo mulapusi a uxolu noxou Maminge so uvalanenge noxou.

Xo loxo itema u'oxo lexe, “A eni alavusou Mosinge ane,” ia ulomuxu voto noxou uasi, la anu itema so kalavoi mo vaikala manina uxolu nonano noxou to uasi.

Loxo nenge tamomoxu voto noxou, laso ane, oponenge ulavu lexe nenge talavusou manina.

Loxo itema vile u'oxo lexe anu uxolu no lamanasi ia umatapianu vile ane umoxo'u lexe vimou, la itema ne xoluxoluxu no anu isivoxosio.

Itema kaini axova e mosou kalavoi? A itema so uvikala lexe “Uo, Iesua ne anu Kalaisiti e molu noxou Mosinge uasi ane.” Itema so uxililiou ualasou Maminge ilou Olu axone, la anu mosou e so xililiou Kalaisiti ane.

Itema ena'ei uxililiou ualasou Olu la anu uxililiou Maminge kalumo. Ia itema ena'ei oponu upala'a lexe ulopalanu Olu la anu upala'a lexe ulopalanu Maminge kalumo ane.