हम्रे प्राथनामे हरदम तुहुरिन्हे सम्झथी, और हम्रे परमेश्वरहे तुहुरिन सक्कुहुनके लग धन्यवाद देथी। और जब हम्रे अपन बाबा परमेश्वरसे प्राथना कर्थी ते हमार प्रभु येशू ख्रीष्टमे तुहुरिन्के उ काम हरदम याद कर्ती रथी, जोन काम तुहुरे विश्वासके कारण करथो। और दोसुर जहनकेमे प्रेम देखाइक लग जोन तुहुरे कड़ा मेहनत करथो। तुहुरे सतावट सहथो। काकरेकी तुहुरे प्रभु येशू ख्रीष्टके फिर्ता अइना आशा करथो।