Popular Bible Verses from १ कोरिन्थी 6

Share

जात्तिके तुहुरिन्हे पता बा, कि तुहुरिन्के शरीर मन्दिर हो। जेम्ने पवित्र आत्मा बैठल रहत; जोन पवित्र आत्मा तुहुरिन्केमे बैठल बा। और यी पवित्र आत्मा तुहुरिन्हे परमेश्वरके ओहोँरसे मिलल बा। और तुहुरे परमेश्वरके हुइतो। परमेश्वर तुहुरिन्के लग येशू ख्रीष्टहे संसारमे पठाके क्रूसमे बलिदान करवाके बरवार मोल चुकैले बताँ। तबेकमारे तुहुरे अपन शरीरसे परमेश्वरके महिमा करो।

दोसुर जहनहे अन्याय करुइया मनै परमेश्वरके राजके हकदार नै हुइहीँ कना बात ते तुहुरे जन्थो। तुहुरिन्हे नै मजा काम करे बन्जाइत। और परमेश्वरके मनैनकेमे फेन शामिल हुई सेकजाइत कहिके तुहुरिन्हे केऊ धोखासे सोँच्ना मजबुर ना करादेहे। और वेश्यागमन करके फेन परमेश्वरके मनैनकेमे शामिल हुई सेकजाइत कहिके फेन केऊ तुहुरिन्हे सोँच्ना मजबुर ना करादेहे। अस्तेके मूर्तिहे पुजके, व्यभिचार करके, और समलिङ्गीनहे, और पुरुषगामीनहे, और अस्तेहेँके चोरी काम करके, दोसुर जहनके चिजहे लालच करके, और जाँर-दारु पिके। और दोसुर जहनहे गरयाके और दोसुर जहनहे लूटके परमेश्वरके राजके हकदार बने सेकजाइत कहिके यदि तुहुरे सोँच्थो कलेसे तुहुरे एकदम गलत बतो।

व्यभिचारसे बिरकुल दूरे रहहो। कौनो दोसुर पाप अतरा फरछ्वारसे शरीरहे प्रभाव नै पारत जतरा कि यी व्यभिचार कना पाप शरीरहे प्रभाव पारत। काकरेकी दोसुर पाप शरीरसे बाहेर बा। पर व्यभिचार करुइया अपने शरीरके विरोधमे पाप करत।

केऊ कहे सेकत, कि “मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।” पर सक्कु बात तुहुरिन्के फाइदा नै करत। मै फेन कहे सेक्थुँ, कि “मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।” पर मै कौनो चिजके गुलाम बने नै चहथुँ।

यी बाहेक हमार शरीर महत्त्वपूर्ण बा, काकरेकी जसिके परमेश्वर येशू ख्रीष्टहे मुअलमेसे फेनदोस्रे जिवाइक लग अपन शक्तिक प्रयोग कर्ले रहिँत। ओस्तेहेँके परमेश्वर हम्रिहिन्हे फेन मुअलमेसे फेनदोस्रे जिवैहीँ।