Popular Bible Verses from १ कोरिन्थी 5

Share

पर मोरिक कहे खोज्लक का हो कलेसे यदि कौनो एकथो विश्वासी संघरिया अपनहे विश्वासी हुइतुँ कहिके कहत। पर ऊ जात्तिकमे भर व्यभिचारी, लाल्ची और मदुवा बा, निन्दा करत, मनैनहे धोखा देहत, और मूर्तिपुजा करत कलेसे ओकर संगत ना करहो। और यहाँसम कि उ मनैयक संग ते तुहुरे संगे बैठ्के खाना फेन ना खैहो।

अनैतिक काम करुइया उ मनैयाहे कहो कि आबसे ऊ तुहुरिन्के मण्डलीक सदस्य हुई नै सेकी। तबजाके तुहुरे कौनो फेन पापके प्रभाव नै रहल एकथो लावा और शुद्ध सम्बन्धमे एकथो मण्डली बने सेक्बो। काकरेकी परमेश्वर तुहुरिन्हे पैलेहेँ माफ कर सेकल बताँ, और तुहुरिन्हे पवित्र बनैले बताँ। तुहुरिन्हे पवित्रतासे जीवन जिना जरुरी बा। काकरेकी हम्रिहिन्हे हमार पापसे छुटाइक लग ख्रीष्ट एकथो बलिदानके रुपमे मुगिलाँ। यी बात हम्रिहिन्हे उ पठ्वक याद करवाइत, जोन पठ्वाहे इजरायलीनके बहुत पहिले निस्तार-तिहुवारके दिन मिश्र देशमे मर्ले रहिँत।

काकरेकी जेने येशू ख्रीष्टहे विश्वासे नै करथाँ, ओइन्के न्याय करना जिम्मा मोरिक नै हो। पर पक्कै फेन ओइन्हे हप्काई परत, जेने तुहुरिन्के मण्डली समूहक एकथो हिस्सा हुइँत। पर येशू ख्रीष्टहे विश्वास नै करुइयनके न्याय परमेश्वर करथाँ: तबेकमारे जसिके पवित्र शास्त्रमे लिखल बा, कि “उ दुष्ट मनैयाहे अपन समूहमे शामिल हुइना अनुमति ना देऊ।”