Popular Bible Verses from 1 યોહાન પત્રો 3

Share

ઓ મા મેરાલા પોયરાંહા, આપુહુ વચનુકી આને ગોઠીકી નાહ પેન કામ આને સત્ય મારફતે પ્રેમ કેજી.

આપુહુ પ્રેમ ઈયાકીજ જાંયો, કા ઇસુ ખ્રિસ્તુહુ આપુ ખાતુરે પોતા જીવ આપી દેદો; ઈયા ખાતુરે આપનેહે બી વિશ્વાસી પાવુ-બોયુ ખાતુરે જીવ આપા જોજે.

હેરા, પિતા પરમેહેરુ આપનેહે, કેહેડો પ્રેમ કેયોહો કા આપુ તીયા પોયરે આખાજી, આને ખરેખર આપુ તીયા પોયરે હાય: ઈયા ખાતુરે જગતુ લોક આપુહુ પરમેહેરુ પોયરે એહેકી નાહ જાંતે કાહાકા તીયાહા પરમેહેરુ નાહ જાંયો.

જો કેડો પાપ કેતોજ રેહે, તોઅ શૈતાનુ વેલેનેજ હાય પેન શૈતાન શુરુવાતુમેનેજ પાપ કેતો આલોહો. પરમેહેરુ પોયરો શૈતાનુ કામુલે નાશ કેરા ખાતુરે જગતુમે આલો.

જો કેડો પરમેહેરુ પોયરો હાય તોઅ પાપ નાહ કેતો; કાહાકા તીયામે પરમેહેરુ સ્વભાવ હાય, આને પરમેહેર તીયા બાહકો હાય ઈયા ખાતુરે તે પાપ નાહ કી સેક્તે.

કાદાચ એગોહો માલદાર હાય, આને તોઅ એગા માહાલે જરુરતુમે હીને તીયાપે દાયા નાય કે, તા પરમેહેરુ પ્રેમ તીયામે રી નાહ સેકતો.

આને જો પરમેહેરુ આજ્ઞાહાને માનેહે તોઅ પરમેહેરુમે આને પરમેહેર તીયામે બોની રેહે: આને તીયાકીજ એટલે જે પવિત્રઆત્મા તીયાહા આપનેહે દેદીહી આપુહુ જાંતાહા તે આપુમે બોની રેહે.

ઈયાકીજ પરમેહેરુ પોયરે આને શૈતાનુ પોયરે ઓળખામે આવતેહે; જો કેડો ધાર્મિક કામ કેહે આને તે જે પોતા પાવુ-બોયુ આરી પ્રેમ કેતેહે તે પરમેહેરુ વેલને હાય.

જે સુવાર્તા તુમુહુ શુરુવાતુમેને ઉનાયા તે એ હાય કા આપુહુ એકબીજા આરી પ્રેમ રાખજી.

ઓ પાવુહુ આને બોયુહુ, કાદાચ જગત લોક તુમા આરી દુશ્મની કેતેહે તા નોવાય નાય કેરુલો.