Popular Bible Verses from 1 યોહાન પત્રો 2

Share

તુમુહુ નાય તા જગતુ આરી નાય તા જગતુ વસ્તુ આરી પ્રેમ રાખા, કાદાચ એગોહો જગતુ આરી પ્રેમ કેહે, તા તીયામે પિતા પરમેહેરુ પ્રેમ નાહ. કાહાકા જો કાય જગતુમે હાય એટલે શરીરુ લાલચ આને ડોંઆ લાલચ, આને મિલકતુ ઘમંડ તોઅ પિતા પરમેહેરુ વેલેને નાહ, પેન જગતુ વેલેને હાય.

જગત આને તીયા લાલચ બેન પુરી વેતી જાહે, પેન જે પરમેહેરુ ઈચ્છા પરમાણે અનુસાર ચાલેહે તોઅ સાદા જીવતો રેહે.

કાદાચ એગોહો એહેકી આખેહે કા આંય પરમેહેરુ બની રીહુ, તા તીયાલે પોતે જેહેકી ઇસુ ખ્રિસ્ત આખતલો તેહેકીજ રાંઅ જોજે.

માઅ મેરાલા પોયરાંહા, આંય તુમનેહે ઈયા ખાતુરે લેખી રીયોહો, કા તુમુહુ પાપ નાય કેરા, કાદાચ એગોહો પાપ કેતા પોતા પાપુ માફી આપાવા ખાતુરે પરમેહેર બાહકાપે આમા એક મદદગાર હાય એટલે ધર્મી ઇસુ ખ્રિસ્ત.

જો કેડો ઇ આખેહે, “આંય પરમેહેરુલે જાંહુ,” આને તીયા આજ્ઞાલે નાહ માનતા, તા તોઅ ઝુટો હાય; આને તોઅ પરમેહેરુ હાચાયુ અનુસાર નાહ ચાલતો.

કાદાચ આપુહુ પરમેહેરુ આજ્ઞાલે માનુહુ ઇયાકી આપનેહે માલુમ પોળી કા આપુહુ તીયાલે જાંતાહા.

જો કેડો ઇ આખેહે કા આંય ઉજવાળો હાય; પેન એગો વિશ્વાસી પાવુ આરી દુશ્મની રાખેહે, તોઅ આમી લોગુ આંદારામુજ હાય.

ઝુટો કેડો હાય? ખાલી તોજ, ઇસુલે ખ્રિસ્ત હાય આખીને નાહ માનતો, આને ખ્રિસ્તુ વિરોધ કેનારો તોજ હાય, જો પિતા પરમેહેર આને તીયા પોયરા ઇસુ ઇનકાર કેહે.

જો કેડો પરમેહેરુ પોયરો ઇસુ ઇનકાર કેહે, તીયા પાહી પિતા પરમેહેર બી નાહ: જો પરમેહેરુ પોયરો ઇસુલે માની લેહે તીયા પાહી પરમેહેર બી હાય.