Popular Bible Verses from MASMUR 143

Share

Kam kap Dibatangku, ajari aku ngelakoken peratenNdu. Mehuli min Kam kempak aku, jenari babai aku arah dalan si pinter.

Persingeti bangku tep-tep erpagi-pagi kerna keleng ateNdu si tetap, man baNdu saja ngenca aku ernalem. Pertotonku kupenangkih man baNdu, tuduhken man bangku dalan si man dalinenku.

Kam me inganku cicio, o TUHAN, pulahi min aku i bas imbang-imbangku nari.

Pegeluh min aku o TUHAN erkiteken gelarNdu, erkiteken kiniulinNdu tangtangi min aku i bas kesusahen nari.

Masmur Daud. O TUHAN, dengkehken min pertotonku, perdiateken min pemindonku. Erkiteken kinibujuren ras pertetapNdu, aloi min aku.

O TUHAN, genduari aloi min aku, enggo bene pengarapenku. Ola ibunikenNdu baNdu man bangku, maka ola aku bali ras kalak si perlawesna kempak doni kematen.

Kupeinget-inget wari-wari si enggo lepas, kuukuri kerina perbahanenNdu, kukusur-kusur i bas pusuhku kai si enggo ilakokenNdu.