Popular Bible Verses from JAKUP 2

Share

Bage me pe kerna kiniteken. Adi kiniteken labo sue rikut ras perbahanen, kiniteken si bage mate kap.

E maka bali ras kula la rikut ras kesah mate kap, bage me pe kiniteken la rikut ras perbahanen mate kap.

O senina-seninangku! Kai gunana ikataken kalak, “Tek aku man Dibata,” adi labo teridah arah perbahanenna? Banci kin kinitekenna e nelamatken ia?

Ma tek kin kam maka sada ngenca Dibata? Merandal! Setan-setan pe tek nge, mbiar dingen nggirgir pe ia.

Tapi lit si ngerana, “Sekalak lit kinitekenna, sekalak si deban lit perbahanenna.” Jabapku man kalak si ngerana bage, “Cidahkenlah man bangku kuga banci kalak erkiniteken adi la rikut ras perbahanenna. Aku, kucidahken man bandu kinitekenku arah perbahanenku.”

Kalak si la rate mekuah man kalak si deban, iukum alu la lit perkuah ate. Tapi perkuah ate gegehen asa ukumen.

Dage ietehndu maka manusia rembak ras Dibata labo erkiteken kinitekenna saja, tapi erkiteken perbahanenna.

Langa kin iangkandu? Kinitekenna ras perbahanenna erdahin ras-ras. Kiniteken Abraham jadi serta arah perbahanenna.