Popular Bible Verses from JAKUP 1

Share

O senina-seninangku, sangap min iakapndu bandu adi reh erbage-bage percuban ngkenai kam. Sabap ietehndu adi kinitekenndu tetap tahan ngalaken percuban-percuban e, kam jadi kalak megenggeng.

Tapi adi lit i bas kam si kurang kepentarenna, ertotolah ia man Dibata si mereken kepentaren man bandu. Sabap Dibata kap mereken kepentaren man kerina jelma alu melumbar dingen dem perkuah ate.

O senina-seninangku, ingetlah! Kerina arus metinggel, tapi ola minter ngerana, dingen ola sukah merawa.

Tetaplah kam megenggeng seh kinigenggengenndu serta, maka kam dewasa i bas kai-kai pe, dingen la kekurangen.

Ola tipu bandu alu megi-megi kataNa saja, tapi dalankenlah kai si iajarken Kata e.

Ketuahen kalak si megenggeng ibas erbage-bage percuban. Sabap kenca menang i bas percuban e, ialokenna me ulih kemenangenna, e me kegeluhen si enggo ipadanken Dibata man kalak si ngkelengi Dibata.

Kerina pemere si mehuli ras serta rehna i Surga nari; pemere e ipesusur Dibata, si njadiken kerina si ersinalsal i langit. Dibata tetap nge; labo IA erdauhna i bas kita nari seh maka itadingkenNa awih-awih si gelap i sekelewetta.

Kalak si megi Kata e tapi la idalankenna, bali me ia ras kalak si ercurmin, janah idahna kuga rupana jine. Ipepayona dirina, jenari lawes ia, janah minter lupa ia kuga rupana.

Agama si tuhu-tuhu dingen si mehuli rikutken pengakap Dibata Bapanta e me: pekena-kena anak-anak melumang ras kalak si enggo mbalu si lit i bas kiniseran, bage pe njaga diri gelah ola icedaken doni enda.

Adi lit kalak ikenai percuban, ola min nina, “Percuban enda rehna i bas Dibata nari.” Sabap Dibata la banci icubai si jahat, janah ise pe labo icubai Dibata. Tapi kalak kena percuban adi ia tergoda jenari kena siding sura-surana si jahat.

Megahlah iakap kalak musil adi ipeganjangken