Popular Bible Verses from JAKUP 3

Share

Tapi kepentaren si rehna i datas nari si pemena e me bersih pusuh peraten, nggit erdame, lemah lembut, la megogo. Dem perkuah ate i bas ia dingen erbuahken perbahanen si mehuli. La rayo-ayo, ras tangkas ukur tangkas kata.

Lit kin sekalak i tengah-tengahndu pentar dingen erpengangkan? Arus icidahkenna e arah kegeluhenna si mehuli, alu perbahanen mehuli si idalankenna alu meteruk ukur dingen kepentaren.

Tuhu payo maka si mehuli e me buah si iperani i bas benih perdamen si isuan kalak si erngena ate nandangi perdamen.

I ja lit cian ate, ras ngukuri kepentingen diri sendiri saja, i je lit erbage-bage perubaten ras perjengilen.

Dilah e sipake guna ngataken bujur man Tuhan ras Bapanta, tapi sipake ka pe guna numpahi temanta manusia, si enggo ijadiken Dibata rikutken tempasNa. Pengataken bujur ras sumpah ndarat i bas sada babah nari. O senina-seninangku, si enda la kal banci!

Dilah e bali ras api. Dilah e kap ulu kejahaten. Dilah e ringan i bas kulanta janah icurnakenna kerina dirinta. Icilukna perdalanen kegeluhenta alu api si rehna i neraka nari.

Tapi ise pe la ngasup pelemuk dilah. Dilah e jahat dingen la terkuasai, dem racun si maba kematen.

O senina-seninangku, ola kam nterem jadi si ngajari. Bagi ietehndu maka kita si ngajari lebihen pagi iadili asangken kalak si deban.