Popular Bible Verses from JESAYA 44

Share

Kempak taneh si muas, Kuamburken me lau, kempak taneh si kerah, Kubahan lau maler. Kukuseken me KesahKu man anak-anakndu, ras pasu-pasungKu man kesusurenndu.

Bagenda me kata TUHAN si Mada Kuasa, TUHAN si ngerajai Israel ras si ngkawalisa, “Aku kap si pemena ras di perpudina, seakatan Aku la lit Dibata.

Desken remang erpagi-pagi, dosandu enggo Kulesapken, janah salahndu pe enggo Kusasap desken embun. E maka mulihlah kempak Aku, sabap Aku kap Penebusndu.”

Ola kam mbiar, o bangsangKu; ietehndu maka nai-nai nari seh genduari enggo leben Kuturiken kai si nandangi jadi. Janah kerna si e kam kap saksi-saksingKu. Lit kin dibata-dibata si deban lain Aku? La lit; janah la pernah lit Kubegi.”

Aku kap TUHAN si nepa kam; si njadiken kam i bas bertin nari ras si nampati kam. Ola kam mbiar sabap kam kap suruh-suruhenKu, bangsa si Kupilih, kekelengenKu.