Popular Bible Verses from JESAYA 43

Share

Nehenlah kejadin-kejadin si mbaru si nandangi Kubahan. Situhuna genduari pe enggo mulai jadi; la kin idahndu e? Kubahan pasar arah gurun pasir, janah lau belin maler i je.

Adi ikeparindu lau si mbages, Aku ras kam; la kam gedap i bas kesusahen si mesangat. Adi ibentasindu api si gurlah, la meseng kam; la kam talu i bas percuban si mberat.

Amin bage gia nina TUHAN, “Olanai inget-inget kai si enggo ndekah jadi, la padah ipegedang kerna kejadin si nai-nai.

O Israel, bagenda nina TUHAN si nepa kam, “Ola kam mbiar, sabap la banci lang Kukelini kam. Kudilo kam alu gelarNdu; Aku kap si njadiken kam, janah kam sikerajangenKu.

Perban meherga kal Kuakap kam; medolat, janah keleng ateKu kam, e maka Kubereken kalak si deban jadi gancihndu, janah bangsa-bangsa si deban jadi gancih kesahndu.

Sabap Aku kap TUHAN Dibatandu, Dibata si Badia nu Israel, si Engkelinindu. Mesir Kubereken jadi tebusndu, Sudan ras Seba jadi gancihndu.

Dage ola kam mbiar, sabap Aku kap ras kam. I Timur i Barat nari, kam ras kesusurenndu Kupepulungi.

Amin bage gia, Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu.

O bangsa Israel, kam kap saksingKu; Kupilih kam gelah jadi suruh-suruhenKu, maka itandaindu janah tek kam man bangKu, gelah iertindu maka Aku ngenca Dibata si tuhu-tuhu. La lit Dibata seakatan Aku; nai nari seh rasa lalap la lit si deban Dibata.

Aku ngenca TUHAN! La lit si deban si ngasup ngkelini kam.

Aku kap Dibata, janah rasa lalap nge Aku Dibata. La lit ise pe banci pulah i bas kuasangKu, la lit ise pe ngasup ngobah perbahanenKu.”

E maka rubia-rubia si meliar pe ipehagana Aku; bage pe biang kerangen ras perik unta. Sabap Kupepaler lau i bas gurun pasir, gelah lit inemen man bangsa pilihenKu. Bangsa e jine enggo Kutepa man gunangKu, lako ngendeken puji-pujin man bangKu.”

Kuperentahken man Utara ras Selatan, maka ipulahina kerina, olanai itaban, gelah bangsangKu ipemulih i bas negeri si ndauh nari, i bas kerina tampuk doni nari. Sabap Israel e me kap bangsa si igelari alu gelarKu, si Kutepa ras Kujadiken guna kemulianKu.”

Nai ibahan TUHAN pasar arah tengah lawit, sada dalan arah lau si ergalumbang. IteguNa tentera si mbisa kempak kebenen gereta perang ras kudana si melala. Ampar ia kerina, lanai keke mulihi, bali ras sumbu lampu, si inimpeti.

Aku kap TUHAN, Dibatandu si Badia. Kutepa kam, o Israel, e maka Aku kap Rajandu.”