Popular Bible Verses from JESAYA 45

Share

Man bandu Kubereken erta-erta si meherga, si terbuni i bas ingan si seh gelapna; gelah arah e ietehndu maka Aku kap TUHAN, Dibata nu Israel, si ndilo kam alu gelarndu jine.

“Aku jine nikapken dalan man bandu, Kupekendit deleng ras uruk-uruk arah lebendu. Gerbang-gerbang tembaga Kupecahken, eruk-eruk besi Kupenggelken.

Aku kap TUHAN; la lit si debanna, seakatan Aku la lit Dibata. Kubereken gegeh man bandu, aminna la gia itandaindu Aku. Kulakoken me si enda gelah kerina kalak si belang-belang doni metehsa, maka Aku kap TUHAN janah la kap lit dibata si deban.

Terang ras gelap, Aku nepasa, Aku mereken pasu-pasu bage pe cilaka. Aku, TUHAN, ngelakoken si enda kerina.

Mari, dahilah Aku maka kam Kukelini, o kam kerina manusia i doni. Sabap Aku ngenca Dibata, la lit si debanna.

TUHAN enggo milih Kores jadi raja. IangkatNa ia naluken bangsa-bangsa; isuruhNa nangtangi kuasa raja-raja, janah kerabangen kuta-kuta italangi TUHAN man bana. Nina TUHAN kempak Kores

Padan si Kubahan, tuhu, janah la mobah-obah; i bas gelarKu jine Aku ersumpah. Kerina manusia, i lebengKu pagi erjimpuh, janah ersumpah, maka rasa lalap tutus atena nembah.

Kuangkat kam nampati Israel suruh-suruhenKu, bangsa si jadi pilihenKu. Enggo Kudilo kam, janah Kubereken kemulian man bandu, aminna pe la itandaindu Aku.