Popular Bible Verses from JESAYA 40

Share

Man kalak si latih iberekenNa gegeh, itambahina gegeh man kalak si ngelabuh.

Kalak si nguda denga latih me dungna, janah anak perana pe ngelabuh ka ia. Tapi kalak si ernalem kempak Dibata, tetap ipelimbaruiNa gegehna. Desken rajawali kabang, lalap ia reh ganjangna. Kiam ia, tapi la ia ngelabuh, erdalan ia tapi la akapna latih.

La kin ietehndu? La kin pernah ibegindu, maka TUHAN e, IA me kap Dibata si rasa lalap? IA me si njadiken doni enda kerina. La pernah IA latih tah kote, la ise pe metehsa kai si lit i bas ukurNa.

Lit sora erlebuh nina, “Pekena dalan TUHAN i bas taneh si mesawang, i bas gurun pasir, pesikap dalan man Dibatanta.

Dukut-dukut ras rudang-rudang pe melus kap, tapi kata Dibatanta tahan rasa lalap.

Kenca bage ipetangkas me kemulian TUHAN janah kerina manusia radu ngidahsa. TUHAN jine kap si erpadan kerna si enda.”

Kerina baluren itambusi me, deleng-deleng ipekendit. Uruk-uruk jadi kendit si mbelang, janah taneh si bongkak-bangkik jadi rata.

Desken sekalak permakan, ipekena-kenaNa rarasenNa, alu tanna jine, ipepulungNa kerina. Anak biri-biri iangkipNa, alu manjar-anjar, indung biri-biri igeraNa.

Tarelah ku datas langit! Kerina bintang-bintang, ise nepasa maka lit? IA me kap si ngaturkenca desken tentera si melala; ietehNa piga beliganna kerina, janah sada-sadai idiloNa rikutken gelarna. Perban bage belinna kuasa TUHAN e, la lit sada pe ibahanNa bene.

Dibata kap si nepasa, IA kundul i bas kursi kinirajanNa; i lepar langit si meganjang i babo doni enda, manusia si i doni desken labang ngenca akapNa. IA si ngkimbangken langit desken kire-kire si mbelang, desken kemah man ingan tading.

Apulilah maka malem ate anak kuta Jerusalem. Momoken man bana maka enggo bias kiniseranna. Dosa-dosana enggo Kualemi, janah ukumen si Kubereken erkiteken dosa-dosana enggo bias.”

Lit sora erlebuh nina, “Momokenlah!” Ningku nungkunsa, “Kai si man momonken?” “Momokenlah maka kerina manusia desken dukut-dukut ngenca; bagi rudang-rudang i mbalmbal kiniulinna kentisik ngenca. Dukut-dukut kerah, rudang-rudang pe melus, adi isuruh TUHAN ku je angin rembus. Tuhu, jelma manusia desken dukut saja kap ngenca.

TUHAN si Erdolat reh alu kinimbisanNa, lako jadi raja si dem alu kuasa. Nehenlah, radu ras kerehenNa, ibabaNa upah man bangsaNa.

“Apulilah bangsangKu,” nina Dibatanta, apulilah ia kerina.

Ise ngasup nukati lau lawit alu tapak-tapak tanna? Ise ngasup nibari langit alu jengkalna? Ise ngasup pepulung taneh doni enda ku bas tumba? Ise ngasup nimbang deleng ras uruk-uruk i bas sada neraca? Ise ngasup ngaturken pendahin Kesah TUHAN? Ise ngasup mereken pedah ras pengajaren man baNa? Man ise kin IA nungkun lako ndatken pengertin? Ise kin nuduhkenca baNa dalan kebujuren? Ise kin mereken pemeteh man baNa? Ise kin ngasup ngajarisa uga arusna IA ndahiken dahinNa?