Popular Bible Verses from JESAYA 41

Share

Ola mbiar, sabap Aku kap ras kam! Aku kap Dibatandu, e maka ola atendu aru. Kusampati kam, janah Aku mahanca kam megegeh. Kukawali kam, janah Kukelini pe.

Aku kap TUHAN Dibatandu, si ncikep tanndu si kemuhun. Janah Kukataken man bandu, ‘Ola kam mbiar, Aku nampati kam.’ ”

Kalak si merawa man bandu, mela me akapna perban talu. Kalak si erbebe ngelawan kam, kernep me janah masap pe.

Kubaba kam i bas ujung doni nari; Kudilo kam i bas tepi si ndauhna nari. Kukataken man bandu, ‘Kam kap suruh-suruhenKu; enggo Kupilih kam, janah labo kam Kutulak.’

Idaramindu me musuh-musuhndu, tapi la kam jumpa, sabap enggo lesap kerina.

Nina TUHAN, “Ola kam mbiar o Israel. Aminna pe kam kitik dingen la ergegeh bagi gaya. Sabap Aku kap si nampati kam; Aku, Dibata si Badia nu Israel, Aku si ngkelini kam

Tapi kam o Israel, suruh-suruhenKu, kam kap bangsa pilihenKu, kesusuren Abraham temanKu.

Arah datas uruk si kerah, Kubahan maler lau belin, janah sumbul lau, pultak i bas baluren-baluren. Gurun pasir Kusalihken jadi paya, janah taneh si kerah dem sumbul si erburak-burak.

Tupung bangsangKu si musil e ndarami lau, tupung kalah-kalahna kerah perban muasna, tapi i japa pe lau la idatna. Kenca bage Aku, TUHAN megiken pertotonna. Aku Dibata nu Israel, asa ndigan pe la Kutadingken bangsangKu.

Ise dage mahanca si e kerina jadi? Ise ngatursa kerina kejadin-kejadin i doni tangtangna nari? Aku, TUHAN si enggo lit i bas bena-benana nari, janah tetap lit seh ku bas pendungina pe pagi.

I bas gurun pasir Kupeturah kayu cemara, batang saitun, rambah mir, bage pe kayu akasia. I bas taneh si mesawang Kusuan kayu eru, rikut ras batang pengkih ras kayu cemara. Idah kalak me pagi si enda janah ietehna maka Aku TUHAN enggo ngelakoken si enda. Kenca iperdiatekenna ngerti me ia, maka Dibata si Badia nu Israel si njadikenca kerina.”