Popular Bible Verses from Римлилер 10

Share

Егер сен Ийсаны «Ийем» деп аўзың менен ашық тән алсаң ҳәм Қудайдың Оны өлимнен тирилткенине шын жүректен исенсең, қутқарыласаң.

Өйткени адам шын жүректен исенгени арқалы ақланады ҳәм исеними ҳаққында аўзы менен ашық тән алғаны арқалы қутқарылады.

Демек, исеним еситиў арқалы пайда болады, ал еситиў Масийх ҳаққында сөздиң жәрияланыўы арқалы болады.

Мухаддес Жазыўда айтылғандай: «Оған исенген ҳеш бир адам уятқа қалмайды». Себеби яҳудий менен гректиң арасында айырмашылық жоқ. Олардың ҳәммесиниң Ийеси бир. Ол Өзин шақырғанлардың ҳәммесине сақый. Мухаддес Жазыўда айтылғандай: «Жаратқан Ийениң атын айтып шақырған ҳәр бир адам қутқарылады».

Сөзди жәриялаўға жиберилмесе, оны қалай жәриялайды? Мухаддес Жазыўда айтылғандай: «Хош Хабарды жәриялаўшылардың аяқлары қандай әжайып!»

Бирақ, Қудайға исенбей турып, Оны қалай шақырыўға болады? Ол туўралы еситпей турып, Оған қалай исениўге болады? Қудай ҳаққында сөзди жәриялаўшы болмаса, қалай еситиўге болады?

Масийх Мухаддес Нызамның талапларын толық орынлағанлықтан, Оған исенген ҳәр бир адам Қудай алдында ақланады.