Popular Bible Verses from Колосалылар 3

Share

Бир-бириңизге шыдамлы ҳәм кеширимли болыңлар. Егер ким де ким биреўден өкпели болса, Ийемиздиң сизлерди кеширгени сыяқлы, сизлер де бир-бириңизди кешириңлер.

Жердеги емес, ал аспандағы нәрселерди ойлаңлар.

Ийемизден сыйлық ретинде мийрас алатуғыныңызды билип, не ислесеңиз де адамлар ушын емес, ал Ийемиз ушын ислеп атырғандай болып, шын жүректен ислеңлер. Өйткени сизлер Ийемиз Масийхқа хызмет етип атырсызлар.

Қудайдың таңлап алған мухаддес ҳәм сүйикли адамлары сыпатында реҳимлилик, жақсылық, кишипейиллик, мүләйимлилик ҳәм сабырлылық пенен жасаңлар.

Масийхтың сөзи пүткил байлығы менен ишиңизде жасасын. Бир-бириңизге толық даналық пенен тәлим берип, ақыл-нәсият етиңлер. Қудайға шүкирлик билдирип, Оған Забур жырларын, алғыс-мақтаў қосықларын ҳәм Мухаддес Руўхтың илҳамы менен жазылған қосықларды шын жүректен айтыңлар. Сөзиңиз ямаса исиңиз бенен қылған ҳәр бир нәрсени Ийемиз Ийсаның аты ушын, Ол арқалы Әкемиз Қудайға шүкирлик етип ислеңлер.

Булардың ҳәммесине қосымша сүйиспеншилик пенен жасаңлар. Ол минсиз бирликке еристиреди.

Солай етип, Масийх пенен бирге тирилген болсаңыз, онда аспандағы нәрселерди излеңлер. Масийх сол жерде, Қудайдың оң жағында отырыпты.

Жүреклериңизде Масийхтың тынышлығы ҳүкимдарлық етсин. Сизлер бир денениң мүшелери болып, усы тынышлыққа шақырылдыңыз. Және де, шүкирлик билдириңлер.

Сонлықтан өзлериңиздеги жерге тийисли болған жаман әдетлерди: бузықшылықты, ҳарамылықты, нәпсиқумарлықты, жаман қәлеўлерди ҳәм нәпсиқаўлық болған бутпаразлықты жоқ қылыңлар.

Себеби сизлер бул дүнья ушын өлгенсизлер ҳәм жаңа өмириңиз Масийх пенен бирге Қудайда жасырылған.

Бирақ енди ҳәммесин: ашыў, ғәзеп ҳәм жек көриўшиликти қойыңлар. Аўзыңыздан ҳеш қандай өсек ҳәм сөгис сөз шықпасын.

Бир-бириңизге өтирик сөйлемеңлер. Өйткени сизлер ески тәбиятыңызды оның жаман ислери менен таслап, жаңа тәбиятқа бөлендиңлер. Бул жаңа тәбиятқа ийе адам Қудайды толық билиў ушын, өз Жаратыўшысына уқсап барады.

Ҳәй күйеўлер, ҳаялларыңызды сүйиңлер. Оларға қопал қатнаста болмаңлар.

Ҳәй балалар, ҳәмме нәрседе ата-анаңызға бойсыныңлар! Себеби бул Ийемизге унайды.

Ҳәй ҳаяллар, күйеўлериңизге бойсыныңлар. Бул Ийемизге тийисли болған ҳаялларға минәсип.