Popular Bible Verses from อง 3

แตห บอ น็อห บอ พึอม แม หณึม บึง เฌาพรา. แกวะ แตห แม บึง อางยาน โดว บรีม แม. แคะ ปี โบง แม ดอน โมยว, แตห แม แตห เฌาพรา อึบ. เซ แม โบง ปาย ตี, อัน เฌา ดี บอ แตห แม นับ ปี ดี โลว โบง แม.

แกวะ แตห แม น็อห ตาง โกบ มึห แม อางยาน. แตห แม โรวเซ เฌาพรา บอ วัห อี ตู หมึอม.

แตห แม โรวเซ เฌาพรา บอ หลู ปี ซัม ปี ปีด แม, หลู เบล ดัง อี หมึอม อี เลห แคง มาน แม. เซ แม โบง ปาย ตี, โหงว ดีฆาว ดี บอ โนะ ลูต แคง บูะ แคง ฆรัว แม. บอ อึม มางูน ดี บอ โนะ ลูต แคง แปรณ แม.

แคะ มึห อี หมึอม อี หมาน, แกวะ แตห แม เบลห แวน ดอ เหมา. แตห แม โนว ซีคยา อี หมึอม อี หมาน ตี, แตห อึณ ดึก ดี น็อห แม, แตห อึณ บอ ปี แม ฮอย อูน มากาแวะ ดี แมง แม.

อึย ฆอน กาโณม โอว, เซ เฌาพรา มาโนว แม, แกวะ แวน ปี มาโนว อัน. เซ เฌาพรา แคร แม, แกวะ แตห แม ปึร. โคว, เฌาพรา นับ ดี แตห ดัม ดี ดูอี ปี ร็อก อัน, ปี ฆูณ นับ ดี มาโนว ฆอน ปี อึง อัน.

อึย ฆอน กาโณม โอว, แกวะ แตห แม ปีว โฆรห ปี มาโนว โอว. แตห แม โหลห เซเซ ปี จัร โอว แม โบง. โฆรห โอว ตี ดี แตห อาซาก แม โต็ง, แตห แม ปึอน บอ นา หมึอม ดอน โมยว.

เซ ดูอี มึห อางยาน บอ กาหลูห ดี น็อห อัน, ดูอี ตี แฮะ ดาคึย กาเซา. โคว, อางยาน ตี มึห อาฆยึร หมึอม หลึอม รึอน เฆ ครีว. อางยาน บอ ง็อห ตาง หลึอม แซณ เรณ. แคะ บอ มึห โกรวกราม, อาว มึห อี ปึอน กาเฆา ดี อางยาน ตี.

เซ อึณ มึห ดูอี ฆีน, แตห แม จอย แคะ ปี ปึอน แม จอย.

อางยาน ตี แฮะ แตห เฌาพรา โบง กาดาย. อี กาหลูห ดี น็อห อัน เฌา ดอน โมยว แฮะ แตห อัน โบง เบลห ฆางหราว.