Popular Bible Verses from อาโยวซูอา 6

Share

เฌาพรา ยี กาลาง ดี อาโยวซูอา ต็อห, “บัร แม ยอด, โอว ดี ดึห มืง เยรีโคว บอ คูนดีคัม แคง มืง ตี บอ เฆ ดา ซึก อัน อี แฮณ กาเซา, วี อาบ ดี แม.

ปาย ตี เฆ โลว บูด นึง แป ตี, แตห อึณ ฮัม โต็ง กาเซา. ดอ ยึร เบ ฮัม ตี, แคะ กอย ดูอี บอกาเฆลียด, แตห เบ ดัด ตาง ตาง, ดัด ซีนัน ซีนืง. แรง มืง ตี ดี ดีฆล็อห โจห อู เฌณ. ปาย ตี แคะ กอย เฆ ดูอี, เฆ ดี ฮาว โฮะ ซืร แคง มืง ราง อาเซ ราง อัน.”

บอ แม บอ เฆ ดา ซึก แม, เบ โลว ฮาว โรบ มืง ตี อู ซีแง อู เฌณ, แตห อึณ กอ โนะ เดา ซีแง.

ดา อี หลู ดี เฌาพรา อาดา บู วี โลว โฆ็ง เวา นึง แป, อู วี อู โบ็ง, แยต ดี อาต ฌีดืก เฌาพรา. ฮี ฌัม ซีแง อึณบู, เบ โลว ฮาว โรบ มืง ตี อาดา บู โรบ. ดอ ฮาว เบ, เฆ ดา อี หลู ดี เฌาพรา โลว บูด เวา นึง แป ตี.

ดอ อัน ตี มาโลห มืง เยรีโคว ตึอน แฮะ กาบีด โตต ดอน โปละ. เฆ บอ บัร ซีคยา, แกวะ แตห เฆ ดูอี อีซาเรลัะ ปึอน ดี ลึบ. ดูอี ลึบ ดูอี เลห อู วี มืร อาว มึห.

ดอ ฌัม โรบ อึณ บู, เฆ ดา อี หลู ดี เฌาพรา มืร แฮะ ครึง ดี บูด เวา นึง แป. ดอ อัน ตี อาโยวซูอา วี จัร เฆ ดูอี กืน ต็อห, “แตห เบ ดัด ตาง ตาง. เฌาพรา แฮะ อาบ มืง นี ดี เบ.

มืง ตี บอ เฆ ดูอี อี กอย แคง มืง ตี, เบ โลว ปยาต แวน โตต, แตห อึณ ปี โกรว ปี หลู ดี เฌาพรา. มาแล, อี มูห นาง ราฮาบ บอ ดูอี แคง อึณโฮม อัน, เบ โลว อูน อาซาก เฆ, แตห เฆ ลอด ยัม โกบ แฮะ จอย, แฮะ ปรา อัน ดี ดึห เครียง ดูอี อี แฮะ ดึอม ตัห ปรา ดี คยอง ดี ลึบ แคง มืง นี.