Popular Bible Verses from ดารา 4

Share

ดอ กอย เบ ดี ตี, เซ เบ กอ วี เหรต เฌาพรา, เบ ดี ยึร อัน. เบ ยี โลว แตห บอ น็อห บอ พึอม เบ บอ โตต เหรต อัน เฌา, แตห เบ ปึอน ดี กาตูณ อัน.

โคว, อัน เฌา บอ มูห เฌาพรา อี นับ ดี กาเว อี เซเซ. อัน เฌา ตู เบลห ตู แวน เบ ดอ เหมา. อัน มืร ตู ปยาต เบ, ตู ปีว ปี ดึอม ลาย กาแซณ อัน ดี เฆ ฆูณ ดัง เบ. อัน แฮะ ดืง ลอง อัน ตี ดี เฆ, แตห เฆ นับ ซีคยา แปะ แฮะ กาแซณ อัน แฮะ หมาน อาคาคัร.

โคว, เฌาพรา ปี กรึบ เบ ตี, อัน บอ ปี เงา อี นับ ดี แตห อึณ กาซึม ดอน โมยว. อัน บอ มูห เฌาพรา อี ตู คัม อี กรึบ ปอ อู โมยว แดง อัน.

แตห เบ ซาดีก, แกวะ แตห เบ ปีว ลอง แปะ แฮะ ยึร เบ. แตห อึณ กอย แคง น็อห เบ บอ โจว เบ, แตห เบ วี มาโนว ลอง อัน ตี ดี หลูกหลาน เบ.

โคว อัน ตี, อาตึร นี แตห เบ โหลห, แกวะ แตห เบ ปีว ดอ เหมา ลอง เฌาพรา มูห เฌาพรา อี อึบ บอ ฆางหราว บอ กาดาย. อึณ มืร ตู มึห เฌาพรา ปอ อู กาดัง.

เฆ ดูอี อาโมยว เฮา, เฆ ปี บอ ตาง แคะ เหมา มืร, เฆ ยี ตู มึห เฌาพรา อี กอย เครียะ เฆ, แตห อึณ ปี เฌาพรา ปี กรึบ เอ อี กอย เครียะ เอ ดอ ซาคึร เอ ดี อัน.

เซ เบ ฮี ฮอต คัม ดูก ฌึร ตี ดอน โมยว, เบ ดี วี บึง เฌาพรา อี มูห เฌาพรา ปี กรึบ เบ. เบ ดี บอ โทม โฆรห อัน.

โฆรห ปี ดี กาลาง โอว ดี เบ ตี, เบ แกวะ ปัว, แกวะ แตห อึณ หลึอม. เบ บอ แกวะ ดึห เลห, แกวะ แตห อึณ โยม. แตห เบ โทม ซีคยา ดารา เฌาพรา ปี กาลาง โอว ดี เบ นี. อัน มูห เฌาพรา ปี กรึบ เบ.