Popular Bible Verses from ดารา 5

Share

แตห เบ โรวเซ ฆูณ มา เบ, แตห อึณ โดบ ปี กาลาง เฌาพรา ปี กรึบ เบ. เซ เบ โบง ปาย ตี เบ ดี โบยว ดาคึย บอ อาซาก เบ ดี โต็ง, แตห เบ ปึอน ดี กอย เหลณ แคง มืง ปี ดี อาบ เฌาพรา ดี เบ.

แตห เบ ซาดีก ดี โบง โดบ ดารา ตี. เซ เบ โบง ปาย ตี เบ ดี ปึอน นา บอด นา หมึอม. อาซาก เบ ดี บอ โต็ง. เบ บอ ปึอน ดี กอย เหลณ แคง มืง ปี ดี อาบ โอว ดี เบ, แตห อึณ แบน มืง เบ.

แกวะ มูด ฆึบ กรึบ อารึบ ราง. แกวะ ลึมลา เฆ. โคว, อึณ มูห โอว เฌาพรา ปี กรึบ เบ, อี ตู คัม เบ กรึบ ปอ โมยว. โอว ดี ดัม หมาบ ดี เฆ อี ฌ็อง โอว เซเซ, แตห อึณ กอ ฌัม โอย โจว, พวน โจว. โอว ปี ดี วี ร็อก เฆ อี ร็อก โอว บอ เฆ อี โดบ ดารา โอว เซเซ, แตห อึณ กอ โนะ อู แหรณ โจว.

แกวะ แตห เบ โบง อารึบ มาเซ คอ อู โมยว. อึณ บอ มูห โมยว อี กอย แคง ฆางหราว, อี กอย แดง กาดาย, อี กอย แคง อึม ครึม กาดาย, เบ แกวะ กรึบ มาเซ.

แดง โอว แกวะ แตห เบ กรึบ เฌาพรา ปอ กาดัง.

แกวะ แดะ ปีเยณ จืร โอว อี มูห เฌาพรา ปี กรึบ เบ. โคว, โอว ดี ดัม หมาบ ดี ดอน อี อี กาลาง ปีเยณ จืร โอว.

โอว บอ กาปรา กาเซา, แตห เฆ มึห น็อห ปาย ตี. อึณ แฮะ หมึอม อาคาคัร. เซ เฆ บอ โรวเซ โอว บอ โบง โดบ เซเซ ปี จัร โอว, เฆ มืร ดี โบยว ดาคึย เซเซ บอ โจว เฆ บอ โจว หลูกหลาน เฆ ดอน โจว ดอน บาน.

แตห เบ กัม ซีแง ดีเหลา, แตห อึณ แบน ซีแง บอด. แตห อึณ บอ โดบ ปี กาลาง เฌาพรา ปี กรึบ เบ ดี เบ.

แกวะ แตห เบ หลัยะ อีบึณ อี เฮา. แกวะ แตห เบ มึห น็อห ซี ปึอน กาง อี เฮา บอ กาดาย อัน, หมาย อัน, มามัก มาโลว อัน, บอ แคะ ปี มึห อัน โกรวกราม แบน โมยว แบน โมยว.”

อีมาย แกวะ ลูต อีบึณ อี. อีบึณ แกวะ มึห น็อห กืน.

เซ แม แบน ซักเซ ดอ ซูงพยาด เฆ อามู อี, แกวะ กาโลว ลอง อี เฮา.

แกวะ ง็อห ยัม อาซาก อี เฮา.

แกวะ ปรา โกรวกราม อี.

แตห เบ โหลห ดอ แฮะ แบน เบ หมาย แคง มืง แอฆึบ ตึอน. แตห เบ โหลห บอ เฌาพรา ปี กรึบ เบ อี แฮะ ตา ปวน ตาง อัน, คยอด เลห เบ. โกบ อึณ ปาย ตี เฌาพรา ปี กรึบ เบ แฮะ จัร เบ กัม ซีแง ดีเหลา.

อาดา เดา ซีแง, แตห เบ โฆยวฆยา ดี โบง ฆาน เบ ดอน โมยว. ฮี ฌัม ซีแง อึณบู, แตห เบ ดีเหลา บอ กรึบ เฌาพรา. ซีแง ตี บอ เบ บอ ฆอน เบ, หมาย เบ, โดว ซัดดาวา เบ บอ แคต อี ตัห ตัม แคง กาง เบ, เฆ บอกาเฆลียด อาว ปึอน โบง ฆาน มาเซ. เฆ โลว ดีเหลา ปี เบ ดีเหลา.

เฌาพรา แฮะ ต็อห, “โอว มูห เฌาพรา ปี กรึบ เบ. โอว แฮะ แยต เลห เบ แคง มืง แอฆึบ, อี มูห โดง แบน เบ หมาย อี เฮา.