Popular Bible Verses from Asi Efese 4

Share

Be leki baari ma ave ma ali na nkerihi o mpaniŋi abuha. Be lebolihi abuha o mpaniŋi e be, mva o Njyami amaboloho be o Krisi.

Ove be leki baari ma ali na baani bɨla oduusu na ledɨla. Ove be lebahi okiini ma abuha o nca dya.

Mbari e mbi se mo i cuuha me enwa e be ni. Leduha eso ni mbari e mve ebuuna oyamaha mvuuru, eyeese se. Mo osa baari mayuha be leve.

Be lenyili otima obi, be lenyili ombibɨri, be lenyili nkala, be lenyili ankɨma bɨla etuhi. Be lenyili maami ma abi maa aso.

Lebye nkala, okoroho be i sa mbiini ni. Nkala e be ove ewi ntini e tari ekini ova ni. Be leka mpaha Jabri lengulu ni.

O ŋaa be leka masyaha maami a be lesiihi na kala ni. Be i ma ka mvuuru a be leki na kala ni, obila eku e kala bya me etaasa baari. Lenyila Oduduma okaala be nca oyeri o be. Lekiriha baari ma anyarihi ma amawaanga mo oka mva Njyami nca opami bɨla leka le ce ce, me egwaha ma asisyele.

Lesa mpari mo oka mvuuru omo o nca Oduduma Santi, mo oduusu omavusaha be.

Nde mvuuru ampi saabe antuma, na awobi a mbari e Njyami, na atoosi a Ncya e Mve bɨla ankumu mo okuha na ayisihi a mbari e Njyami. Mo bu ndi ayamaha epeende mo ojanja, na leyeese le nyuru e Krisi. Mo osuumbu jwa, saabe aso leje obuuna oka mvuuru omo o nca oyalihi na leyaa le Mwana a Njyami yemihi. Saabe aso leje omaka akuuru, lemihi na onini o Krisi.

Ŋaa saabe leka maje oka baana me enkere, me epuhi si kali a pyebi ebiriha nca eyisihi e baari ma akʉraha, bɨla mataasaha me enkaa e baari mo omwo. Ŋa ntini leduha asisyele bɨla dya, saabe lekula ma angulu aso mpili e Krisi mvuuru ali nkʉmu Okuha.