Popular Bible Verses from इफिसियों 2

Share

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो; अरह् ऐजा छ़ुट्कारा तुवाँरे कोसी आच्छ़े काँम-काज़ का प्रत्तिफ़ल़ ने आथी, के कुँऐ ईन्दा किऐ भे घमंड करह्।

परह् पंण्मिश्वर की दया-रंय्म जुण्जी अप्रमंपार असो, आँमें आप्णें पाप के कारण मँरी गुऐ थिऐ; परह् तिन्ऐं आँमों आरी ऐत्रों प्यार कोरो, के आँमों खे मसीया आरी जीवन दिता; अरह् तिनकी कृपा ऐ तुओं लोगों का छुट्कारा करा; अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

पंण्मिश्वर प्रभू यीशू मसीया के जाँणें, आँमों हजो ऊबे जियाल़े, अरह् स्वर्गो दे प्रभू यीशू मसीया की गईलो बईठाल़ी दिते

ईदेखे तुँऐं लोग ऐबे प्रदेशी अरह् शंणराँर्थी ने रंई, परह् पबित्र लोगो के साथी, अरह् आप्णें देश के अरह् पंण्मिश्वर के घराने के लोग बणें। तुँओं लोग घरह् के जिऐ लोग असो, प्रभू यीशू के खास-चैले अरह् ऋषियों की शुरूवात की पह्-नींव गाशी खह्ड़े असो, अरह् जिनके कुँणें का पाथर आपु यीशू मसीया असो।